{"id":1413,"title":"दीपदान व्रजराज देत | Deepdan Vrajraj Det","type":"055 Hatari Men Aarti | हटरी में आरती","raag":"Kanharo | कान्हरो","original_text":"दीपदान व्रजराज देत दोऊ ढोटनकों गोद बैठारी ॥ दीपदानकी होत आरती मंगल गावत सब व्रजनारी ॥१॥ दीपदान शोभित भवनन पर धरत-फिरत खिरकनमें ग्वाल ॥ लाल कहत बावा तुम देखो जानो पहराई कंचन माल ॥२॥ यह त्योहार दिवारीको सुख मानत नंद गोपव्रज लोग ॥ नानाभांतके करत रहतहें अपअपने मन भाये भोग ॥३॥ हटरी भरत नंदजूकी रानी मेवा सब पकवान मिठाई ॥ हसत हसत गृहगृहकी सुंदरि सोदा करन लालसों आई ॥४॥ देखत फूलत माय बवादोऊ अनगिनती नोछावर वारी ॥ हटरी बैठे यों राजत हें श्रीविठ्ठलगिरिधारी ॥५॥","translate_text":"दीपदान व्रजराज देत | Deepdan Vrajraj Det\n\n(राग कान्हरो | Raga Kanharo)\n\nदीपदान व्रजराज देत दोऊ ढोटनकों गोद बैठारी ॥\nदीपदानकी होत आरती मंगल गावत सब व्रजनारी ॥१॥\nVrajaraj offers the Deepdaan, seating the two little boys in his lap. Arati is performed for Deepdaan, while all the women of Vraj sing auspicious songs. ॥१॥\n\nदीपदान शोभित भवनन पर धरत-फिरत खिरकनमें ग्वाल ॥\nलाल कहत बावा तुम देखो जानो पहराई कंचन माल ॥२॥\nThe lamps of Deepdaan shine upon the houses, while the Gopas carry and place them throughout the cattle enclosures. Lala says, “Baba, look! It seems as though they have been adorned with golden garlands.” ॥२॥\n\nयह त्योहार दिवारीको सुख मानत नंद गोपव्रज लोग ॥\nनानाभांतके करत रहतहें अपअपने मन भाये भोग ॥३॥\nNanda, the Gopas, and the people of Vraj joyfully celebrate this festival of Diwali. They prepare many kinds of bhog, each according to what pleases the heart. ॥३॥\n\nहटरी भरत नंदजूकी रानी मेवा सब पकवान मिठाई ॥\nहसत हसत गृहगृहकी सुंदरि सोदा करन लालसों आई ॥४॥\nNandaju’s Rani fills the little shop with dried fruits, festive dishes, and sweets. Smiling, the Sundaris from every home come to trade with Lala. ॥४॥\n\nदेखत फूलत माय बवादोऊ अनगिनती नोछावर वारी ॥\nहटरी बैठे यों राजत हें श्रीविठ्ठलगिरिधारी ॥५॥\nWatching this, Maiya and Baba both blossom with joy and make countless loving offerings over Him. Seated at the little shop, Shri Vitthal Giridhari shines beautifully. ॥५॥","transliterate_text":"deepadaan vrajaraaj det dooo dhotanakon god baithaaree ||\ndeepadaanakee hot aaratee mangal gaavat sab vrajanaaree ||1||\n\ndeepadaan shobhit bhavanan par dharat-phirat khirakanamen gvaal ||\nlaal kahat baavaa tum dekho jaano paharaaee kanchan maal ||2||\n\nyah tyohaar divaareeko sukh maanat Nand gopavraj log ||\nnaanaabhaantake karat rahatahen apaapane man bhaaye bhog ||3||\n\nhataree bharat nandajookee raanee mevaa sab pakavaan mithaaee ||\nhasat hasat grihagrihakee sundari sodaa karan laalason aaee ||4||\n\ndekhat phoolat maay bavaadooo anaginatee nochhaavar vaaree ||\nhataree baithe yon raajat hen Shreeviththalagiridhaaree ||5||","image":"images/1413.png","verified":1,"created_date":"2026-08-09T12:47:14","updated_date":"2026-08-23T20:02:15.184Z","super_type":"All","translate_text_hindi":null,"translate_text_gujarati":null}