{"id":1509,"title":"हँसहँस कहत कृष्ण | Hanshans Kahat Krishna","type":"058 Govardhan Lila - Saras Lila | गोवर्धन लीला - सरस लीला","raag":"Bilaval | बिलावल","original_text":"हँसहँस कहत कृष्ण मुखबानी ॥ हमनांही रिस तुमपर आनी ॥१॥ तुम कित अति शंका जियमानी ॥ भलीकर व्रज वरख्यो पानी ॥२॥ यहसुन इंद्र अतिहि सकुचान्यों ॥ व्रज अवतार नही में जान्यों ॥३॥ राखराख त्रिभुवनके नाथ ॥ नहि मोसो कोउ और अनाथ ॥४॥ फिरफिर चरण धरत ले माथ ॥ क्षमा करो मोहि राखो साथ ॥५॥ रवि आगें खद्योत प्रकाश ॥ मणि आगें ज्यों दीपकनाश ॥६॥ कोटि ब्रह्म शिव कोटि अविनास ॥ मो गरीबकी केतिक आस ॥७॥ दीन वचन सुन भवके वास ॥ क्षमाकरो जल पर्यो हुतास ॥८॥ अमरापति चरणन तर लोटत ॥ रही नहीं उरमें कछ खोटत ॥९॥ उभय भुजा कर लियो उठाय ॥ सुरपति शीश अभय कर नाय ॥१०॥ हँस दीनी प्रभु लोग बड़ाई ॥ श्रीमुख कह्यो करौ सुख जाई ॥११॥ जयजय ध्वनि सब देवन गाई ॥ धन्य धन्य जनके सुखदाई ॥१२॥ शिव विरंचि सनकादिक नारद ॥ गौरी सुत दोऊ संग शारद ॥१३॥ रवि शशि वरुण अनल यमराज ॥ आज भये सब पूरण काज ॥१४॥ अशरण शरण सदां तुम बानो ॥ यह लीला प्रभु तुमही जानो ॥१५॥ मातासों सुत करे ढिठाई ॥ माता फिरताकों सुखदाई ॥१६॥ ज्यों धरणी हल खोद विनाशे ॥ सन्मुख सतगुण फलहि प्रकाशे ॥१७॥ कर कुठार ले तरुहि गिरावे ॥ वह काटे वह छायापावे ॥१८॥ जैसें दशन जीभ दलि जाई ॥ तब कासों सो करे रिसाई ॥१९॥ धन्य व्रज धन्य गोकुल वृदांवन ॥ धन्य यमुना धन्य लता कुंजवन ॥२०॥ धन्य नंद धन्य जननि यशोदा ॥ बाल केलि प्रभुकरे समोदा ॥२१॥ स्तुति सुन मन हरख बढायो ॥ साधुसाधु कही सुरन सुनायो ॥२२॥ तुमही जाय जब मोहि जगायो ॥ तुमारेई काज देह धर आयो ॥२३॥ तुम राखों असुरन सिंधारों ॥ तनु धरी धरणी भार उतारों ॥२४॥ आवत जात बहुत श्रम पायो ॥ जावो भवन कर कृपा पठायो ॥२५॥ कर सिर धर धर चले देव गन ॥ पहुंचे अमर लोक आनंद मन ॥२६॥ यहलीला सुर घरन सुनाई ॥ गाय उठीं सुरनारि बधाई ॥२७॥अमरलोक आनन्द भयो सब ॥ हरख सहित सुरपति आये जब ॥२८॥ सूरदास सुरपति अति हरख्यो ॥ जयजय ध्वनि सुमनन व्रज वरख्यो ॥२९॥","translate_text":"हँसहँस कहत कृष्ण | Hanshans Kahat Krishna\n\n(राग बिलावल | Raga Bilaval)\n\nहँसहँस कहत कृष्ण मुखबानी ॥\nहमनांही रिस तुमपर आनी ॥१॥\nKrishna smiles and says with His own lips, “I am not angry with you.” ॥१॥\n\nतुम कित अति शंका जियमानी ॥\nभलीकर व्रज वरख्यो पानी ॥२॥\n“Why do you hold so much fear in your heart? It was well that you showered rain upon Vraj.” ॥२॥\n\nयहसुन इंद्र अतिहि सकुचान्यों ॥\nव्रज अवतार नही में जान्यों ॥३॥\nHearing this, Indra became deeply ashamed: “I did not know that You had appeared in Vraj.” ॥३॥\n\nराखराख त्रिभुवनके नाथ ॥\nनहि मोसो कोउ और अनाथ ॥४॥\n“Protect me, protect me, O Lord of the three worlds! There is no one more helpless than I.” ॥४॥\n\nफिरफिर चरण धरत ले माथ ॥\nक्षमा करो मोहि राखो साथ ॥५॥\nAgain and again he places the Lord’s feet upon his head: “Forgive me and keep me near You.” ॥५॥\n\nरवि आगें खद्योत प्रकाश ॥\nमणि आगें ज्यों दीपकनाश ॥६॥\nBefore the sun, the glow of a firefly is nothing; before a radiant jewel, the light of a lamp fades away. ॥६॥\n\nकोटि ब्रह्म शिव कोटि अविनास ॥\nमो गरीबकी केतिक आस ॥७॥\n“Before You are countless Brahmas and Shivas; what, then, can one as humble as I claim before You?” ॥७॥ ॥७॥\n\nदीन वचन सुन भवके वास ॥\nक्षमाकरो जल पर्यो हुतास ॥८॥\nHearing these humble words, the Lord of the world forgave him; the fire of His displeasure was cooled as though water had fallen upon it. ॥८॥\n\nअमरापति चरणन तर लोटत ॥\nरही नहीं उरमें कछ खोटत ॥९॥\nThe lord of the devas rolls at His feet, with no trace of deceit remaining in his heart. ॥९॥\n\nउभय भुजा कर लियो उठाय ॥\nसुरपति शीश अभय कर नाय ॥१०॥\nWith both arms, the Lord raises him up and places His reassuring hand upon Surapati’s bowed head. ॥१०॥\n\nहँस दीनी प्रभु लोग बड़ाई ॥\nश्रीमुख कह्यो करौ सुख जाई ॥११॥\nSmiling, Prabhu restored his honour before everyone and said with His own blessed lips, “Go now in peace and happiness.” ॥११॥\n\nजयजय ध्वनि सब देवन गाई ॥\nधन्य धन्य जनके सुखदाई ॥१२॥\nAll the devas cried, “Jaya! Jaya! Blessed, blessed is the One who gives happiness to His people!” ॥१२॥\n\nशिव विरंचि सनकादिक नारद ॥\nगौरी सुत दोऊ संग शारद ॥१३॥\nShiva, Brahma, Sanaka and the other sages, Narada, the two sons of Gauri, and Sharada were all present. ॥१३॥\n\nरवि शशि वरुण अनल यमराज ॥\nआज भये सब पूरण काज ॥१४॥\nSurya, Chandra, Varuna, Agni, and Yamaraj rejoiced: “Today every purpose has been fulfilled.” ॥१४॥\n\nअशरण शरण सदां तुम बानो ॥\nयह लीला प्रभु तुमही जानो ॥१५॥\n“You are forever the refuge of those who have no refuge. Prabhu, You alone understand this Leela.” ॥१५॥\n\nमातासों सुत करे ढिठाई ॥\nमाता फिरताकों सुखदाई ॥१६॥\nA child may behave stubbornly with his mother, yet the mother in return continues to care for him with love. ॥१६॥\n\nज्यों धरणी हल खोद विनाशे ॥\nसन्मुख सतगुण फलहि प्रकाशे ॥१७॥\nJust as the plough cuts into the earth, yet the earth in return brings forth abundant fruit before it. ॥१७॥\n\nकर कुठार ले तरुहि गिरावे ॥\nवह काटे वह छायापावे ॥१८॥\nA man takes an axe in his hand and fells a tree; even while he cuts it, he still receives its shade. ॥१८॥\n\nजैसें दशन जीभ दलि जाई ॥\nतब कासों सो करे रिसाई ॥१९॥\nJust as the teeth may accidentally bite the tongue—against whom, then, should the tongue become angry? ॥१९॥\n\nधन्य व्रज धन्य गोकुल वृदांवन ॥\nधन्य यमुना धन्य लता कुंजवन ॥२०॥\nBlessed is Vraj, blessed are Gokul and Vrindavan. Blessed is Yamuna, and blessed are the creepers, kunjas, and forests. ॥२०॥\n\nधन्य नंद धन्य जननि यशोदा ॥\nबाल केलि प्रभुकरे समोदा ॥२१॥\nBlessed is Nanda, and blessed is Mother Yashoda, with whom Prabhu joyfully performs His childhood Leelas. ॥२१॥\n\nस्तुति सुन मन हरख बढायो ॥\nसाधुसाधु कही सुरन सुनायो ॥२२॥\nHearing this praise, His heart filled with joy. The devas exclaimed, “Sadhu! Sadhu!” in approval. ॥२२॥\n\nतुमही जाय जब मोहि जगायो ॥\nतुमारेई काज देह धर आयो ॥२३॥\n“When you yourselves went and awakened Me, I assumed this form and came for your very sake.” ॥२३॥\n\nतुम राखों असुरन सिंधारों ॥\nतनु धरी धरणी भार उतारों ॥२४॥\n“I shall protect you and destroy the asuras. I have assumed this body to remove the burden of the earth.” ॥२४॥\n\nआवत जात बहुत श्रम पायो ॥\nजावो भवन कर कृपा पठायो ॥२५॥\n“You have undergone much weariness in coming and going. Now return to your abodes.” Graciously, He sent them on their way. ॥२५॥\n\nकर सिर धर धर चले देव गन ॥\nपहुंचे अमर लोक आनंद मन ॥२६॥\nAgain and again placing their hands upon their heads in reverence, the hosts of devas departed and reached the celestial realm with joyful hearts. ॥२६॥\n\nयहलीला सुर घरन सुनाई ॥\nगाय उठीं सुरनारि बधाई ॥२७॥\nThey recounted this Leela in the homes of the devas, and the celestial women arose and sang songs of celebration. ॥२७॥\n\nअमरलोक आनन्द भयो सब ॥\nहरख सहित सुरपति आये जब ॥२८॥\nThe entire celestial realm was filled with joy when Surapati returned there rejoicing. ॥२८॥\n\nसूरदास सुरपति अति हरख्यो ॥\nजयजय ध्वनि सुमनन व्रज वरख्यो ॥२९॥\nSurdas says: Surapati rejoiced greatly; cries of “Jaya! Jaya!” resounded, and flowers were showered upon Vraj. ॥२९॥","transliterate_text":"hansahans kahat Krishna mukhabaanee ||\nhamanaanhee ris tumapar aanee ||1||\n\ntum kit ati shankaa jiyamaanee ||\nbhaleekar Vraj varakhyo paanee ||2||\n\nyahasun indr atihi sakuchaanyon ||\nVraj avataar nahee men jaanyon ||3||\n\nraakharaakh tribhuvanake naath ||\nnahi moso kou aur anaath ||4||\n\nphiraphir charan dharat le maath ||\nkshamaa karo mohi raakho saath ||5||\n\nravi aagen khadyot prakaash ||\nmani aagen jyon deepakanaash ||6||\n\nkoti brahm shiv koti avinaas ||\nmo gareebakee ketik aas ||7||\n\ndeen vachan sun bhavake vaas ||\nkshamaakaro jal paryo hutaas ||8||\n\namaraapati charanan tar lotat ||\nrahee naheen uramen kachh khotat ||9||\n\nubhay bhujaa kar liyo uthaay ||\nsurapati sheesh abhay kar naay ||10||\n\nhans deenee prabhu log baraaee ||\nShreemukh kahyo karau sukh jaaee ||11||\n\njayajay dhvani sab devan gaaee ||\ndhany dhany janake sukhadaaee ||12||\n\nshiv viranchi sanakaadik naarad ||\ngauree sut dooo sang shaarad ||13||\n\nravi shashi varun anal yamaraaj ||\naaj bhaye sab pooran kaaj ||14||\n\nasharan sharan sadaan tum baano ||\nyah leelaa prabhu tumahee jaano ||15||\n\nmaataason sut kare dhithaaee ||\nmaataa phirataakon sukhadaaee ||16||\n\njyon dharanee hal khod vinaashe ||\nsanmukh satagun phalahi prakaashe ||17||\n\nkar kuthaar le taruhi giraave ||\nvah kaate vah chhaayaapaave ||18||\n\njaisen dashan jeebh dali jaaee ||\ntab kaason so kare risaaee ||19||\n\ndhany Vraj dhany Gokul vridaanvan ||\ndhany Yamunaa dhany lataa kunjavan ||20||\n\ndhany Nand dhany janani Yashodaa ||\nbaal keli prabhukare samodaa ||21||\n\nstuti sun man harakh badhaayo ||\nsaadhusaadhu kahee suran sunaayo ||22||\n\ntumahee jaay jab mohi jagaayo ||\ntumaareee kaaj deh dhar aayo ||23||\n\ntum raakhon asuran sindhaaron ||\ntanu dharee dharanee bhaar utaaron ||24||\n\naavat jaat bahut shram paayo ||\njaavo bhavan kar kripaa pathaayo ||25||\n\nkar sir dhar dhar chale dev gan ||\npahunche amar lok aanand man ||26||\n\nyahaleelaa sur gharan sunaaee ||\ngaay utheen suranaari badhaaee ||27||\n\namaralok aanand bhayo sab ||\nharakh sahit surapati aaye jab ||28||\n\nSoordaas surapati ati harakhyo ||\njayajay dhvani sumanan Vraj varakhyo ||29||","image":"images/1509.png","verified":1,"created_date":"2026-08-09T12:47:14","updated_date":"2026-08-24T00:10:56.136Z","super_type":"All","translate_text_hindi":null,"translate_text_gujarati":null}