{"id":1511,"title":"गोदबैठ गोपाल कहत | Godabaith Gopal Kahat","type":"059 Govardhan Lila Annakut | गोवर्धन लीला अन्नकूट","raag":"Bilaval | बिलावल","original_text":"गोदबैठ गोपाल कहत व्रजराजसों ॥ अहो तात एक बात श्रवण दे सुनोजो मेरी ॥ भवनमांझहों गयो धरी जहां सोंज घनेरी ॥ में हँस माँग्यो मायपें भोजनदेरी मोहि ॥ कर लकुटी ले यों कह्यो यह क्यों देहों तोहि ॥१॥ क्षुधितजानकें नेह रोहिनी निकट बुलायो ॥ दुधप्याई चुचुकार शीखदे कंठ लगायो ॥ यह बलि भुक्ते देवता कह्यो हरें लगकान ॥ तातें रचि पचि करतहें शाक पाक पकवान ॥२॥ यह निश्चय कर कहो कोनसो देव तुम्हारो ॥ जो इतनी बलि खाय काज कहा करे हमारो ॥ कहा देवको नामहे कोन लोकको नाथ ॥ इकलोही भोजनकरेके ले अपनों गणसाथ ॥३॥ सुनो श्याम चित लाय देवकी कहूं कहानी ॥ आगम निगम पुराण कहें ऋषिवर मुनि ज्ञानी ॥ सब सुखनिधि सुर लोकहे कहीयत ताको ईश ॥ सेवतहें सब देवता जाहि कोटितेंतीस ॥४॥ जाके अनुचर मेघ वरष जल धरणी पोषें ॥ अन्नादिक फल फूल निपज परजा संतोषे ॥ बहु तृण उपजें पशुनकों भरे सरोवर तोय ॥ देव दिवारी पूजिये तो व्रज अति सुख होय ॥५॥ एक बात हों कहूं बावा जो सांची मानो ॥ ऐसे अनुचर कोटि कोटि कहि कहा बखानो ॥ अश्वमेध शततें लहे इंद्रासनको भोग ॥ व्रजरज कण पावे नहीं कोटि यज्ञ तप योग ॥६॥  सो प्रभु अबही चलो तुम्हें हों निकटबताऊं ॥ मन भावे तब बोल आपने संगखिलाऊं ॥ गोवर्द्धनकी तरहटी हम वच्छ चरावन जाय ॥ अखिल लोकके नाथसों छाक वांट हम खांय ॥७॥ ब्रह्मा शिव मुनि रटें तनक पावे न वसेरो ॥ काटे विघ्न अनेक सदां व्रज वासिन नेरो ॥ वेद उपनिषदमें कह्यो  सो गोवर्द्धन राय ॥ बडरे बैठ विचार मतोकर गोधन पूजो आय ॥८॥ भये नंद मनमुदित बडे सब गोप बुलाये ॥ कान्ह कहें सो करो भये सबहिन मन भाये ॥ शकट पूतना आदि दे डारे विघ्न नसाय ॥ गिरि प्रताप चिरकालतें थिर व्रजवास वसाय ॥९॥ हरख नंद उपनंद सकल व्रज दई दुहाई ॥ सुरपति पूजा मेंट राजा गोवर्द्धनराई ॥ आदिलोक वैकुंठलों व्रज परिपूरण सोय ॥ व्रजवासिन हितकारने आये हरि गिरि होय ॥१०॥ सुन व्रजवासी सकल हरख मन करी बधाई ॥ कहाकरेगो इंद्र हमारो कृष्ण सहाई ॥ गोपी गोसुत गायले ओर बालक संग लाय ॥ गोप चले उत्साहसों पूजनकों गिरिराय ॥११॥ अगणित शकट जुराय साज पूजाकी साजें ॥ कान परी नहीं सुनत चहूँधां बाजन बाजें ॥ व्रजनारिनके यूथसों चली यशोदा माय ॥ गोधन गाय मल्हावहीं उर आनंद न समाय ॥१२॥ चले नंद उपनंद आदि व्रजनंद अगाऊ ॥ करत परस्पर ख्याल चले मोहन बलदाऊ ॥ वृद्ध तरुण बारे सबे व्रज घर रहो न कोय ॥ अपनो कुल पति पूजियें महा महोत्सव होय ॥१३॥ दीनो दरशन शैल दूरतें शीश नवाये ॥ निकट जाय प्रणाम करत अघ दूर नसाये ॥ दीपदान दे नंदजू रजनी मुख  चहूं ओर ॥ गायन कान जगायकें बूझत नंदकिशोर ॥१४॥ आज कूहूकी राति चलो परिक्रमा कीजे ॥ गिरि सन्मुख निश जाग भोर बलि पूजा दीजे ॥ चले हरख गिरिराजकों सबे दाहिनों देहि ॥ गोवर्द्धन गोपालकी सब गोप बलैया लेहि ॥१५॥ मध्य अधिदैविक रत्न खचित गिरिराज बिराजें ॥ दीपमालिका चहूँ ओर अद्भुत छबिछाजें ॥ सकल निशा आनंदमें रजनी गई विहाय ॥ विधिवत् पूजा कीजियें बलि उपहार मँगाय ॥१६॥ गावत गीत पुनीत सकल व्रजनारि सुहाये ॥ अगणित बाजे विविध अखिल व्रजराज बजाये ॥ गिरिवर प्रथम न्हवावही मानसी गंगा नीर ॥ अगणित कलशा हेमके लेनावत धौरी क्षीर ॥१७॥ पुन चंदन उबटाय स्वच्छ जल गिरिहीं न्हवाये ॥ अरगजा कुंकुम पोहोप चरच पटपीत  उढाये ॥ धूप दीप बहु विधिकीये कुंडवारो धरभोग ॥ सुख समुद्र लहेरिन बढ़यो इन व्रजवासिन योग ॥१८॥ पूजाको प्रसाद देत ग्वालन मन भाये ॥ माथें टोरा बांध पीठ थापे सरसाये ॥ नंदराय आज्ञा दई आंन खिलाओ गाय ॥ कान्ह तोकसों यों कह्यो धौरी पेहेलें खिलाय ॥१९॥ कान्ह गहें पट पीत आन जब बोली धौरी ॥ हूंकत लेहेंडे पेलि वच्छके सन्मुख दोरी ॥ छुवत वच्छ अकुलायकें डाढ मेलि समुहाय ॥ भलीभली खेली कहें सब गोप श्यामकी गाय ॥२०॥ खेली धूमरि गांग बुलाई काजर कारी ॥ औरें अगणित झुंड सकल गोपनकी न्यारी ॥ सुखपयोधि लहरिन बढ्यो रह्यो सकल व्रजछाय ॥ अन्नकूट विधिवत् रच्यो नाना पाक बनाय ॥२१॥ बहुविध व्यंजन मधुर चरपरे खाटे खारे ॥ वेसनके को गिने केईक सुकवनिके न्यारे ॥ तिन मध्य पूर्यो प्रेमसों नव ओदनको कोट ॥ मध्य चक्र चित्रित धर्यों गिरि ओदनकी ओट ॥२२॥ बहुत भांत पकवान नामले कोन वखानें ॥ गिनत न आवे पार परम रुचि धरे संधानें ॥ वासोंधी मिश्री सनी मिलि मृगमद घनसार ॥ नानाविधि मेवानके गिनत न आवे पार ॥२३॥ दधि सिखरन संयाव सेंमई पायस प्यारी ॥ वरा मगोरी वरी तिलवरी रोचक न्यारी ॥ पापर अति कोमलधरे घृत नवनीत मँगाय ॥ ओट्यो दुध धर्यो धोरीको मिश्री पनो छनाय ॥२४॥ तुलसी दल दे नंद पोहोप माला पहेरावें ॥ सौरभ चंदन पीत सजल शंखोदक नावें ॥ दुहुंकर जोरें दीन व्है ध्यान धरत व्रजराज ॥ प्रत्यक्षव्है भोजनकरें रूप धरें गिरिराज ॥२५॥ कहत गोप समुझाय रूप गिरिराज निहारो ॥ जाकें ऐसो पूत सुफल व्रजवास तिहारो ॥ मोर पखौवा शिर धरे उर राजत वनमाल ॥ सब देखत भोजनकरे हो मानो श्रीगोपाल ॥२६ ॥ यथाशक्ति फल पत्र पाक ब्रजवासी लाये ॥ प्रेमभक्ति प्रतिपाल परम रुचिसों वे खाये ॥ काहू अति संकोचते सजि धर राख्यो गेह ॥ मांगमांग सबपें लियो प्रकट जनायो नेह ॥२७ ॥ शीतल परम सुवास सुखद यमुनोदक लीनों ॥ रह्यो जो शेष प्रसाद वांट ब्रजवासिन दीनों ॥ बीरीदेत सँम्हारकें आपुन नंद कुमार ॥ आरोगत ब्रजराज सांवरो ब्रजजन लेत उगार ॥२८ ॥ महा महोत्सव मान लीयो गिरिराज हमारो ॥ ब्रजवासिन शिरछत्र सदां गोधन रखवारो ॥ ब्रजरानी कर आरतो लागत गिरिके पाय ॥ पटभूषण न्योंच्छावर करकें ग्वालन देत बुलाय ॥२९ ॥ नंदादिक ब्रज गोप सबें जुर सन्मुख आये ॥ नयन पाणि अरु ग्रीव शीश गिरि चरण छुवाये ॥ रामकृष्णके शीशपे देव पाणि परसाय ॥ आज्ञा ले घरकों चले पदवंदन करवाय ॥३० ॥ इंद्र उठ्यो अकुलाय आज क्यों होत अवेरो ॥ ओरवेर व्रज जाय लेहुं बलि भोग सवेरो ॥ ब्रजबलिकी सुध लेंनकों दीने दूत पठाय ॥ महामहोत्सव देखकें कह्यो इंद्रसों जाय ॥३१ ॥ कोप इंद्र घन जोर सबे ब्रजलोक पठाये ॥ चहुं औरतें घेरघेर ब्रजबोरन आये ॥ मूशलधार वरखन लग्यो ब्रज कंप्यो अकुलाय ॥ कह्यो सबन ब्रजराजसों अब को होय सहाय ॥३२ ॥ व्याकुल लख ब्रजवासि कान्ह गोवर्द्धन धायों ॥ वामपाणि अंगुरीन एक नख अग्र उधर्यो ॥ गोप लकुटिया ले रहे टेकी चहुँधां आय ॥ कोमलकर अति भारतें मति इत उत डिगि जाय ॥३३ ॥ ले कटितें कर वेणु धर्यो अधरन गिरिधारी ॥ सप्तरंध्र स्वर पूर घोर ऊंचीदे भारी ॥ पर्वत दीयो उछारकें स्वरपें रह्यो ठहेराय ॥ गोपनको बल देखकें फिरि गिरि थांभ्यो आय ॥३४ ॥ सात घोस निश परी प्रबल अति जलकी धारें ॥ गिरिकी छाया सकल गोप गोधन तृणचारें ॥ बूंद न काहू परसहीं यह सुन अतुल प्रताप ॥ परम पुरुष यह जानकें इंद्र बढ़्यो संताप ॥३५ ॥ ले सुरभी ब्रज आई पांय हरिके शिरनायो ॥ तुम देवनके देव कीयो में अपनों पायो ॥ अबलोंमें जान्यों नहीं व्रज वृंदावन रूप ॥ कृपा दृष्टिसों देखियें अखिल लोकके भूप ॥३६ ॥ गिरि धरधरणि कान्ह पाणि सुरपति शिरधायों ॥ धेनु क्षीर अभिषेक मान अपराध निबार्यो ॥ स्वर्ग लोकको राज दे करसों थापी पीठ ॥ अबतें यह व्रतराखियो व्रजपर अमृत दीठ ॥३७ ॥ इंद्र पठायो गेह आप व्रज माया फेरी ॥ देव विमानन आय वरख कुसुमनकी ढेरी ॥ सब कोऊ गोविंदको श्रीमुख निरखत आय ॥ देत दान बहु नंदजू उर आनंद न समाय ॥३८ ॥ धाय यशोमति माय लालकों कंठ लगावे ॥ वार वार जलपीवे चूमकर नयन छुवावे ॥ सातवरसको सांवरो सात घोस इकहाथ ॥ गिरि धार्यो बलदेवके सो प्रभु वैकुंठनाथ ॥३९ ॥ सब व्रजवासी लोग कहत व्रजराज दुहाई ॥ जयजय शब्द उच्चार हमारो देव कन्हाई ॥ दे असीस घरकों चले ग्वाल गोप व्रजनारि ॥ व्रजजन गिरिधर रूपपे डार्यो सर्वस्व वारि ॥४० ॥","translate_text":"गोदबैठ गोपाल कहत | Godabaith Gopal Kahat\n\n(राग बिलावल | Raga Bilaval)\n\nगोदबैठ गोपाल कहत व्रजराजसों ॥\nअहो तात एक बात श्रवण दे सुनोजो मेरी ॥\nSitting in Vrajaraj’s lap, Gopal says, “O Tata, please listen carefully to one thing I have to say.\n\nभवनमांझहों गयो धरी जहां सोंज घनेरी ॥\nमें हँस माँग्यो मायपें भोजनदेरी मोहि ॥\nI went inside the house, where many preparations were being made. Smiling, I asked Maiya, ‘Give Me something to eat.’\n\nकर लकुटी ले यों कह्यो यह क्यों देहों तोहि ॥१॥\nTaking a little stick in her hand, she said, ‘Why should I give this to You?’” ॥१॥\n\nक्षुधितजानकें नेह रोहिनी निकट बुलायो ॥\nदुधप्याई चुचुकार शीखदे कंठ लगायो ॥\nSeeing that He was hungry, Rohini lovingly called Him near, gave Him milk, coaxed Him, instructed Him, and embraced Him.\n\nयह बलि भुक्ते देवता कह्यो हरें लगकान ॥\nतातें रचि पचि करतहें शाक पाक पकवान ॥२॥\nShe whispered into His ear, “These offerings are for the deity to eat; that is why everyone is carefully preparing vegetables, cooked dishes, and delicacies.” ॥२॥\n\nयह निश्चय कर कहो कोनसो देव तुम्हारो ॥\nजो इतनी बलि खाय काज कहा करे हमारो ॥\n“Then tell Me for certain: who is this deity of yours who eats so many offerings, and what does he do for us?\n\nकहा देवको नामहे कोन लोकको नाथ ॥\nइकलोही भोजनकरेके ले अपनों गणसाथ ॥३॥\nWhat is this deity’s name, and of which realm is he the lord? Does he eat all this alone, or does he bring his attendants with him?” ॥३॥\n\nसुनो श्याम चित लाय देवकी कहूं कहानी ॥\nआगम निगम पुराण कहें ऋषिवर मुनि ज्ञानी ॥\n“Listen attentively, Shyam, and I shall tell You about this deity. The Agamas, Vedas, and Puranas speak of him, as do wise rishis and munis.\n\nसब सुखनिधि सुर लोकहे कहीयत ताको ईश ॥\nसेवतहें सब देवता जाहि कोटितेंतीस ॥४॥\nThe realm of the devas is a treasury of every happiness, and he is said to be its lord. The thirty-three crore devas serve him.” ॥४॥\n\nजाके अनुचर मेघ वरष जल धरणी पोषें ॥\nअन्नादिक फल फूल निपज परजा संतोषे ॥\n“His attendants, the clouds, shower water and nourish the earth. Grain, fruits, flowers, and other produce grow, bringing contentment to the people.\n\nबहु तृण उपजें पशुनकों भरे सरोवर तोय ॥\nदेव दिवारी पूजिये तो व्रज अति सुख होय ॥५॥\nAbundant grass grows for the animals, and the lakes fill with water. If we worship this deity at Diwali, Vraj will enjoy great happiness.” ॥५॥\n\nएक बात हों कहूं बावा जो सांची मानो ॥\nऐसे अनुचर कोटि कोटि कहि कहा बखानो ॥\n“Baba, let Me tell you one thing, if you will accept it as true. What is there to praise so greatly in one who has millions of such attendants?\n\nअश्वमेध शततें लहे इंद्रासनको भोग ॥\nव्रजरज कण पावे नहीं कोटि यज्ञ तप योग ॥६॥\nThe throne of Indra may be attained through a hundred Ashvamedha yajnas, but even through millions of yajnas, austerities, and yogic practices, one cannot attain even a particle of the dust of Vraj.” ॥६॥\n\nसो प्रभु अबही चलो तुम्हें हों निकटबताऊं ॥\nमन भावे तब बोल आपने संगखिलाऊं ॥\n“Come now, and I shall show you that Prabhu nearby. If it pleases you, call Him, and I shall eat together with Him.\n\nगोवर्द्धनकी तरहटी हम वच्छ चरावन जाय ॥\nअखिल लोकके नाथसों छाक वांट हम खांय ॥७॥\nWe go to the foothills of Govardhan to graze the calves, and there we share our meal with the Lord of all the worlds.” ॥७॥\n\nब्रह्मा शिव मुनि रटें तनक पावे न वसेरो ॥\nकाटे विघ्न अनेक सदां व्रज वासिन नेरो ॥\n“Brahma, Shiva, and the munis constantly seek Him, yet scarcely attain a place near Him. He removes countless obstacles and always remains close to the residents of Vraj.\n\nवेद उपनिषदमें कह्यो सो गोवर्द्धन राय ॥\nबडरे बैठ विचार मतोकर गोधन पूजो आय ॥८॥\nHe whom the Vedas and Upanishads proclaim is Govardhan Rai. Let the elders sit together, consider this, and decide to worship Govardhan and the cows.” ॥८॥\n\nभये नंद मनमुदित बडे सब गोप बुलाये ॥\nकान्ह कहें सो करो भये सबहिन मन भाये ॥\nNanda became delighted and called all the elder Gopas. “Let us do as Kanh says.” This pleased everyone’s heart.\n\nशकट पूतना आदि दे डारे विघ्न नसाय ॥\nगिरि प्रताप चिरकालतें थिर व्रजवास वसाय ॥९॥\n“He has destroyed Shakata, Putana, and other dangers. Through the glory of Giriraj, our dwelling in Vraj has remained secure for ages.” ॥९॥\n\nहरख नंद उपनंद सकल व्रज दई दुहाई ॥\nसुरपति पूजा मेंट राजा गोवर्द्धनराई ॥\nRejoicing, Nanda and Upananda proclaimed throughout Vraj: “Set aside the worship of Surapati; King Govardhan Rai is our Lord.\n\nआदिलोक वैकुंठलों व्रज परिपूरण सोय ॥\nव्रजवासिन हितकारने आये हरि गिरि होय ॥१०॥\nHe who fills even the primordial realm of Vaikuntha is fully present here in Vraj. For the welfare of the residents of Vraj, Hari has appeared in the form of the mountain.” ॥१०॥\n\nसुन व्रजवासी सकल हरख मन करी बधाई ॥\nकहाकरेगो इंद्र हमारो कृष्ण सहाई ॥\nHearing this, all the residents of Vraj rejoiced and congratulated one another. “What can Indra do to us when Krishna is our protector?”\n\nगोपी गोसुत गायले ओर बालक संग लाय ॥\nगोप चले उत्साहसों पूजनकों गिरिराय ॥११॥\nTaking the Gopis, calves, cows, and children with them, the Gopas eagerly set out to worship Giriraj. ॥११॥\n\nअगणित शकट जुराय साज पूजाकी साजें ॥\nकान परी नहीं सुनत चहूँधां बाजन बाजें ॥\nCountless carts gathered, laden with all the preparations for worship. Instruments resounded on every side so loudly that nothing else could be heard.\n\nव्रजनारिनके यूथसों चली यशोदा माय ॥\nगोधन गाय मल्हावहीं उर आनंद न समाय ॥१२॥\nMother Yashoda went with groups of the women of Vraj. They lovingly tended and adorned the cows, while boundless joy filled their hearts. ॥१२॥\n\nचले नंद उपनंद आदि व्रजनंद अगाऊ ॥\nकरत परस्पर ख्याल चले मोहन बलदाऊ ॥\nNanda, Upananda, and the other elders of Vraj went in front, while Mohan and Baldau walked along, playfully talking with one another.\n\nवृद्ध तरुण बारे सबे व्रज घर रहो न कोय ॥\nअपनो कुल पति पूजियें महा महोत्सव होय ॥१३॥\nOld, young, and children alike—all of Vraj went; no one remained at home. “Let us worship the Lord of our community and celebrate this great festival.” ॥१३॥\n\nदीनो दरशन शैल दूरतें शीश नवाये ॥\nनिकट जाय प्रणाम करत अघ दूर नसाये ॥\nWhen the mountain came into view from afar, they bowed their heads. Drawing near, they offered pranam, and their sins were dispelled.\n\nदीपदान दे नंदजू रजनी मुख चहूं ओर ॥\nगायन कान जगायकें बूझत नंदकिशोर ॥१४॥\nAt the beginning of night, Nandaju offered lamps all around. After awakening the cows, Nandakishor asked what should be done next. ॥१४॥\n\nआज कूहूकी राति चलो परिक्रमा कीजे ॥\nगिरि सन्मुख निश जाग भोर बलि पूजा दीजे ॥\n“Tonight is the night of Amavasya; come, let us perform parikrama. Let us remain awake through the night before Giriraj and offer worship and offerings at dawn.\n\nचले हरख गिरिराजकों सबे दाहिनों देहि ॥\nगोवर्द्धन गोपालकी सब गोप बलैया लेहि ॥१५॥\nJoyfully they proceeded with Giriraj on their right, performing parikrama. All the Gopas lovingly offered themselves to Govardhan Gopal. ॥१५॥\n\nमध्य अधिदैविक रत्न खचित गिरिराज बिराजें ॥\nदीपमालिका चहूँ ओर अद्भुत छबिछाजें ॥\nIn their midst, the divine form of Giriraj shines, adorned with jewels. Deepmalika glows on every side, creating a wondrous beauty.\n\nसकल निशा आनंदमें रजनी गई विहाय ॥\nविधिवत् पूजा कीजियें बलि उपहार मँगाय ॥१६॥\nThe entire night passed in joy. At dawn they began the worship according to proper rites, bringing offerings and gifts. ॥१६॥\n\nगावत गीत पुनीत सकल व्रजनारि सुहाये ॥\nअगणित बाजे विविध अखिल व्रजराज बजाये ॥\nAll the lovely women of Vraj sang sacred songs, while countless kinds of instruments resounded throughout Vraj.\n\nगिरिवर प्रथम न्हवावही मानसी गंगा नीर ॥\nअगणित कलशा हेमके लेनावत धौरी क्षीर ॥१७॥\nFirst they bathed Girivar with the waters of Manasi Ganga. In countless golden vessels they brought the milk of Dhauri cows. ॥१७॥\n\nपुन चंदन उबटाय स्वच्छ जल गिरिहीं न्हवाये ॥\nअरगजा कुंकुम पोहोप चरच पटपीत उढाये ॥\nThen they applied sandalwood ubtan and bathed Giriraj with pure water. They anointed Him with fragrant argaja, kumkum, and flowers, and draped Him in a yellow garment.\n\nधूप दीप बहु विधिकीये कुंडवारो धरभोग ॥\nसुख समुद्र लहेरिन बढ़यो इन व्रजवासिन योग ॥१८॥\nThey offered incense and lamps in many ways and placed abundant bhog before Him. For these residents of Vraj, waves rose ever higher in an ocean of happiness. ॥१८॥\n\nपूजाको प्रसाद देत ग्वालन मन भाये ॥\nमाथें टोरा बांध पीठ थापे सरसाये ॥\nThe Gopas were given the pleasing prasada of the worship. Festive bands were tied upon their heads, and they were affectionately patted on the back.\n\nनंदराय आज्ञा दई आंन खिलाओ गाय ॥\nकान्ह तोकसों यों कह्यो धौरी पेहेलें खिलाय ॥१९॥\nNandarai gave the command, “Now go and play with the cows.” To Kanh he said, “You must play with Dhauri first.” ॥१९॥\n\nकान्ह गहें पट पीत आन जब बोली धौरी ॥\nहूंकत लेहेंडे पेलि वच्छके सन्मुख दोरी ॥\nKanh took hold of His yellow cloth and called Dhauri. Calling “Hunk! Hunk!”, He guided her forward and ran with her toward her calf.\n\nछुवत वच्छ अकुलायकें डाढ मेलि समुहाय ॥\nभलीभली खेली कहें सब गोप श्यामकी गाय ॥२०॥\nEagerly reaching her calf, she joined the herd. All the Gopas exclaimed, “How beautifully Shyam’s cow has played!” ॥२०॥\n\nखेली धूमरि गांग बुलाई काजर कारी ॥\nऔरें अगणित झुंड सकल गोपनकी न्यारी ॥\nDhumari played; then He called the herd—Kajar, Kari, and countless other distinct groups belonging to all the Gopas.\n\nसुखपयोधि लहरिन बढ्यो रह्यो सकल व्रजछाय ॥\nअन्नकूट विधिवत् रच्यो नाना पाक बनाय ॥२१॥\nThe waves of the ocean of happiness increased and spread throughout Vraj. Annakut was properly arranged with many kinds of prepared foods. ॥२१॥\n\nबहुविध व्यंजन मधुर चरपरे खाटे खारे ॥\nवेसनके को गिने केईक सुकवनिके न्यारे ॥\nThere were many kinds of dishes—sweet, spicy, sour, and salty. Who could count all the preparations made from besan, or the many kinds of dried delicacies?\n\nतिन मध्य पूर्यो प्रेमसों नव ओदनको कोट ॥\nमध्य चक्र चित्रित धर्यों गिरि ओदनकी ओट ॥२२॥\nIn their midst, with great love, they raised a mountain of freshly cooked rice. At its centre they arranged a beautifully patterned circular display, surrounded by the mound of rice. ॥२२॥\n\nबहुत भांत पकवान नामले कोन वखानें ॥\nगिनत न आवे पार परम रुचि धरे संधानें ॥\nWho could name and describe the many kinds of delicacies? Their number had no end; everything was arranged with the greatest care and delight.\n\nवासोंधी मिश्री सनी मिलि मृगमद घनसार ॥\nनानाविधि मेवानके गिनत न आवे पार ॥२३॥\nFragrant preparations mixed with mishri, musk, and camphor were offered, along with so many varieties of dried fruits that they could not be counted. ॥२३॥\n\nदधि सिखरन संयाव सेंमई पायस प्यारी ॥\nवरा मगोरी वरी तिलवरी रोचक न्यारी ॥\nThere were curd, shikharan, sanyav, semai, and delicious payasa; vara, magori, vari, tilvari, and many other delightful preparations.\n\nपापर अति कोमलधरे घृत नवनीत मँगाय ॥\nओट्यो दुध धर्यो धोरीको मिश्री पनो छनाय ॥२४॥\nVery delicate papars were placed there, and ghee and fresh butter were brought. Thickened milk from the Dhauri cow was offered, together with mishri and a strained sweet drink. ॥२४॥\n\nतुलसी दल दे नंद पोहोप माला पहेरावें ॥\nसौरभ चंदन पीत सजल शंखोदक नावें ॥\nNanda offered Tulsi leaves and placed a flower garland upon Him. He offered fragrant sandalwood and bathed Him with sanctified water from a conch.\n\nदुहुंकर जोरें दीन व्है ध्यान धरत व्रजराज ॥\nप्रत्यक्षव्है भोजनकरें रूप धरें गिरिराज ॥२५॥\nWith both hands folded, Vrajaraj humbly meditated upon Him. Giriraj then appeared visibly in divine form and accepted the meal. ॥२५॥\n\nकहत गोप समुझाय रूप गिरिराज निहारो ॥\nजाकें ऐसो पूत सुफल व्रजवास तिहारो ॥\nThe Gopas said to one another, “Look carefully at Giriraj’s form! Blessed is your life in Vraj, Nanda, to have such a son.\n\nमोर पखौवा शिर धरे उर राजत वनमाल ॥\nसब देखत भोजनकरे हो मानो श्रीगोपाल ॥२६ ॥\nHe wears a peacock feather upon His head and a vanamala shines upon His chest. Before everyone’s eyes He eats the offerings—He looks just like Shri Gopal!” ॥२६॥\n\nयथाशक्ति फल पत्र पाक ब्रजवासी लाये ॥\nप्रेमभक्ति प्रतिपाल परम रुचिसों वे खाये ॥\nAccording to their means, the residents of Vraj brought fruits, leaves, and prepared foods. Cherishing their loving devotion, He ate them with great delight.\n\nकाहू अति संकोचते सजि धर राख्यो गेह ॥\nमांगमांग सबपें लियो प्रकट जनायो नेह ॥२७ ॥\nSome, out of great hesitation, had prepared offerings but left them at home. He asked each of them for those offerings and accepted them, openly showing His affection. ॥२७॥\n\nशीतल परम सुवास सुखद यमुनोदक लीनों ॥\nरह्यो जो शेष प्रसाद वांट ब्रजवासिन दीनों ॥\nHe drank the supremely cool, fragrant, refreshing water of Yamuna. Whatever prasada remained was distributed among the residents of Vraj.\n\nबीरीदेत सँम्हारकें आपुन नंद कुमार ॥\nआरोगत ब्रजराज सांवरो ब्रजजन लेत उगार ॥२८ ॥\nNandakumar Himself carefully offered bira. Dark-hued Brajaraj accepted it, while the people of Vraj joyfully offered themselves to Him. ॥२८॥\n\nमहा महोत्सव मान लीयो गिरिराज हमारो ॥\nब्रजवासिन शिरछत्र सदां गोधन रखवारो ॥\n“Our Giriraj has accepted this great festival—the eternal shelter over the heads of the residents of Vraj and the protector of the cows.”\n\nब्रजरानी कर आरतो लागत गिरिके पाय ॥\nपटभूषण न्योंच्छावर करकें ग्वालन देत बुलाय ॥२९ ॥\nBrajarani performs arati and bows at Giriraj’s feet. She offers garments and ornaments and then calls the Gopas to receive them. ॥२९॥\n\nनंदादिक ब्रज गोप सबें जुर सन्मुख आये ॥\nनयन पाणि अरु ग्रीव शीश गिरि चरण छुवाये ॥\nNanda and all the other Gopas of Vraj gathered and came before Giriraj. With their eyes, hands, necks, and heads bowed low, they touched His feet.\n\nरामकृष्णके शीशपे देव पाणि परसाय ॥\nआज्ञा ले घरकों चले पदवंदन करवाय ॥३० ॥\nThe Deva placed His hand upon the heads of Ram and Krishna. Taking His permission and bowing at His feet, they set out for home. ॥३०॥\n\nइंद्र उठ्यो अकुलाय आज क्यों होत अवेरो ॥\nओरवेर व्रज जाय लेहुं बलि भोग सवेरो ॥\nIndra became restless: “Why is there such a delay today? Go quickly to Vraj and find out about the morning offerings and bhog.”\n\nब्रजबलिकी सुध लेंनकों दीने दूत पठाय ॥\nमहामहोत्सव देखकें कह्यो इंद्रसों जाय ॥३१ ॥\nHe sent messengers to learn what had happened to Vraj’s offering. Seeing the great festival there, they returned and told Indra. ॥३१॥\n\nकोप इंद्र घन जोर सबे ब्रजलोक पठाये ॥\nचहुं औरतें घेरघेर ब्रजबोरन आये ॥\nIn anger, Indra sent all the mighty clouds upon Vraj. Closing in from every side, they came to submerge Vraj.\n\nमूशलधार वरखन लग्यो ब्रज कंप्यो अकुलाय ॥\nकह्यो सबन ब्रजराजसों अब को होय सहाय ॥३२ ॥\nTorrential rain began to fall, and all Vraj trembled in distress. Everyone said to Vrajaraj, “Who will help us now?” ॥३२॥\n\nव्याकुल लख ब्रजवासि कान्ह गोवर्द्धन धायों ॥\nवामपाणि अंगुरीन एक नख अग्र उधर्यो ॥\nSeeing the people of Vraj distressed, Kanh ran to Govardhan. With the tip of one finger of His left hand, He lifted the mountain.\n\nगोप लकुटिया ले रहे टेकी चहुँधां आय ॥\nकोमलकर अति भारतें मति इत उत डिगि जाय ॥३३ ॥\nThe Gopas came from every side and propped up the mountain with their herding sticks, thinking, “The weight is so great upon His tender hand—may it not sway this way or that!” ॥३३॥\n\nले कटितें कर वेणु धर्यो अधरन गिरिधारी ॥\nसप्तरंध्र स्वर पूर घोर ऊंचीदे भारी ॥\nGiridhari took the venu from His waist and placed it upon His lips, filling its seven holes with a deep and powerful melody.\n\nपर्वत दीयो उछारकें स्वरपें रह्यो ठहेराय ॥\nगोपनको बल देखकें फिरि गिरि थांभ्यो आय ॥३४ ॥\nHe tossed the mountain upward, and it remained suspended upon the power of His melody. After seeing the Gopas’ strength, He again took hold of the mountain and supported it. ॥३४॥\n\nसात घोस निश परी प्रबल अति जलकी धारें ॥\nगिरिकी छाया सकल गोप गोधन तृणचारें ॥\nFor seven days and nights, fierce torrents of rain continued to fall. Beneath the shelter of Giriraj, all the Gopas and cows remained safe, and the cattle grazed upon grass.\n\nबूंद न काहू परसहीं यह सुन अतुल प्रताप ॥\nपरम पुरुष यह जानकें इंद्र बढ़्यो संताप ॥३५ ॥\nNot even a drop of rain touched anyone. Hearing of this incomparable power, Indra realized that He was the Supreme Purusha, and his distress increased. ॥३५॥\n\nले सुरभी ब्रज आई पांय हरिके शिरनायो ॥\nतुम देवनके देव कीयो में अपनों पायो ॥\nBringing Surabhi with him, Indra came to Vraj and bowed his head at Hari’s feet. “You are the Deva of the devas, yet I regarded myself as supreme.\n\nअबलोंमें जान्यों नहीं व्रज वृंदावन रूप ॥\nकृपा दृष्टिसों देखियें अखिल लोकके भूप ॥३६ ॥\nUntil now I did not understand Your form here in Vraj and Vrindavan. O Lord of all the worlds, look upon me with Your gracious glance.” ॥३६॥\n\nगिरि धरधरणि कान्ह पाणि सुरपति शिरधायों ॥\nधेनु क्षीर अभिषेक मान अपराध निबार्यो ॥\nKanh, the lifter of Giriraj and sustainer of the earth, placed His hand upon Surapati’s head. An abhishek was performed with the milk of Surabhi, and Indra’s pride and offence were removed.\n\nस्वर्ग लोकको राज दे करसों थापी पीठ ॥\nअबतें यह व्रतराखियो व्रजपर अमृत दीठ ॥३७ ॥\nRestoring him to the rule of Svargaloka, Hari lovingly placed His hand upon his back and said, “From now on, keep this vow: always look upon Vraj with a nectar-filled, gracious gaze.” ॥३७॥\n\nइंद्र पठायो गेह आप व्रज माया फेरी ॥\nदेव विमानन आय वरख कुसुमनकी ढेरी ॥\nHari sent Indra back to his abode and Himself restored Vraj to its former state. The devas came in their celestial vimanas and showered heaps of flowers.\n\nसब कोऊ गोविंदको श्रीमुख निरखत आय ॥\nदेत दान बहु नंदजू उर आनंद न समाय ॥३८ ॥\nEveryone came to behold Govind’s Shri Mukh. Nandaju gave abundant gifts, while the joy within his heart knew no bounds. ॥३८॥\n\nधाय यशोमति माय लालकों कंठ लगावे ॥\nवार वार जलपीवे चूमकर नयन छुवावे ॥\nMother Yashomati ran to Lala and clasped Him to her neck. Again and again she lovingly performed protective rites with water, kissed Him, and touched Him with her eyes.\n\nसातवरसको सांवरो सात घोस इकहाथ ॥\nगिरि धार्यो बलदेवके सो प्रभु वैकुंठनाथ ॥३९ ॥\nOnly seven years old, the little dark-hued One held Giriraj upon one hand for seven days. That younger brother of Baladev is Prabhu, the Lord of Vaikuntha. ॥३९॥\n\nसब व्रजवासी लोग कहत व्रजराज दुहाई ॥\nजयजय शब्द उच्चार हमारो देव कन्हाई ॥\nAll the residents of Vraj proclaimed the glory of Vrajaraj, crying aloud, “Jaya! Jaya! Kanhai is our Deva!”\n\nदे असीस घरकों चले ग्वाल गोप व्रजनारि ॥\nव्रजजन गिरिधर रूपपे डार्यो सर्वस्व वारि ॥४० ॥\nGiving their blessings, the Gwalas, Gopas, and women of Vraj returned to their homes. The people of Vraj offered everything they possessed in loving devotion to the beautiful form of Giridhar. ॥४०॥","transliterate_text":"godabaith Gopaal kahat vrajaraajason ||\naho taat ek baat shravan de sunojo meree ||\nbhavanamaanjhahon gayo dharee jahaan sonj ghaneree ||\nmen hans maangyo maayapen bhojanaderee mohi ||\nkar lakutee le yon kahyo yah kyon dehon tohi ||1||\n\nkshudhitajaanaken neh rohinee nikat bulaayo ||\ndudhapyaaee chuchukaar sheekhade kanth lagaayo ||\nyah bali bhukte devataa kahyo haren lagakaan ||\ntaaten rachi pachi karatahen shaak paak pakavaan ||2||\n\nyah nishchay kar kaho konaso dev tumhaaro ||\njo itanee bali khaay kaaj kahaa kare hamaaro ||\nkahaa devako naamahe kon lokako naath ||\nikalohee bhojanakareke le apanon ganasaath ||3||\n\nsuno shyaam chit laay devakee kahoon kahaanee ||\naagam nigam puraan kahen rishivar muni gyaanee ||\nsab sukhanidhi sur lokahe kaheeyat taako eesh ||\nsevatahen sab devataa jaahi kotitentees ||4||\n\njaake anuchar megh varash jal dharanee poshen ||\nannaadik phal phool nipaj parajaa santoshe ||\nbahu trin upajen pashunakon bhare sarovar toy ||\ndev divaaree poojiye to Vraj ati sukh hoy ||5||\n\nek baat hon kahoon baavaa jo saanchee maano ||\naise anuchar koti koti kahi kahaa bakhaano ||\nashvamedh shataten lahe indraasanako bhog ||\nvrajaraj kan paave naheen koti yagya tap yog ||6||\n\nso prabhu abahee chalo tumhen hon nikatabataaoon ||\nman bhaave tab bol aapane sangakhilaaoon ||\ngovarddhanakee tarahatee ham vachchh charaavan jaay ||\nakhil lokake naathason chhaak vaant ham khaany ||7||\n\nbrahmaa shiv muni raten tanak paave na vasero ||\nkaate vighn anek sadaan Vraj vaasin nero ||\nved upanishadamen kahyo  so govarddhan raay ||\nbadare baith vichaar matokar godhan poojo aay ||8||\n\nbhaye Nand manamudit bade sab gop bulaaye ||\nkaanh kahen so karo bhaye sabahin man bhaaye ||\nshakat pootanaa aadi de daare vighn nasaay ||\ngiri prataap chirakaalaten thir vrajavaas vasaay ||9||\n\nharakh Nand upanand sakal Vraj daee duhaaee ||\nsurapati poojaa ment raajaa govarddhanaraaee ||\naadilok vaikunthalon Vraj paripooran soy ||\nvrajavaasin hitakaarane aaye hari giri hoy ||10||\n\nsun vrajavaasee sakal harakh man karee badhaaee ||\nkahaakarego indr hamaaro Krishna sahaaee ||\ngopee gosut gaayale or baalak sang laay ||\ngop chale utsaahason poojanakon giriraay ||11||\n\naganit shakat juraay saaj poojaakee saajen ||\nkaan paree naheen sunat chahoondhaan baajan baajen ||\nvrajanaarinake yoothason chalee Yashodaa maay ||\ngodhan gaay malhaavaheen ur aanand na samaay ||12||\n\nchale Nand upanand aadi vrajanand agaaoo ||\nkarat paraspar khyaal chale mohan baladaaoo ||\nvriddh tarun baare sabe Vraj ghar raho na koy ||\napano kul pati poojiyen mahaa mahotsav hoy ||13||\n\ndeeno darashan shail dooraten sheesh navaaye ||\nnikat jaay pranaam karat agh door nasaaye ||\ndeepadaan de Nand-joo rajanee mukh  chahoon or ||\ngaayan kaan jagaayaken boojhat nandakishor ||14||\n\naaj koohookee raati chalo parikramaa keeje ||\ngiri sanmukh nish jaag bhor bali poojaa deeje ||\nchale harakh giriraajakon sabe daahinon dehi ||\ngovarddhan gopaalakee sab gop balaiyaa lehi ||15||\n\nmadhy adhidaivik ratn khachit giriraaj biraajen ||\ndeepamaalikaa chahoon or adbhut chhabichhaajen ||\nsakal nishaa aanandamen rajanee gaee vihaay ||\nvidhivat poojaa keejiyen bali upahaar mangaay ||16||\n\ngaavat geet puneet sakal vrajanaari suhaaye ||\naganit baaje vividh akhil vrajaraaj bajaaye ||\ngirivar pratham nhavaavahee maanasee gangaa neer ||\naganit kalashaa hemake lenaavat dhauree ksheer ||17||\n\npun chandan ubataay svachchh jal giriheen nhavaaye ||\naragajaa kunkum pohop charach patapeet  udhaaye ||\ndhoop deep bahu vidhikeeye kundavaaro dharabhog ||\nsukh samudr laherin barhayo in vrajavaasin yog ||18||\n\npoojaako prasaad det gvaalan man bhaaye ||\nmaathen toraa baandh peeth thaape sarasaaye ||\nNandraay aagyaa daee aann khilaao gaay ||\nkaanh tokason yon kahyo dhauree pehelen khilaay ||19||\n\nkaanh gahen pat peet aan jab bolee dhauree ||\nhoonkat lehende peli vachchhake sanmukh doree ||\nchhuvat vachchh akulaayaken daadh meli samuhaay ||\nbhaleebhalee khelee kahen sab gop shyaamakee gaay ||20||\n\nkhelee dhoomari gaang bulaaee kaajar kaaree ||\nauren aganit jhund sakal gopanakee nyaaree ||\nsukhapayodhi laharin badhyo rahyo sakal vrajachhaay ||\nannakoot vidhivat rachyo naanaa paak banaay ||21||\n\nbahuvidh vyanjan madhur charapare khaate khaare ||\nvesanake ko gine keeek sukavanike nyaare ||\ntin madhy pooryo premason nav odanako kot ||\nmadhy chakr chitrit dharyon giri odanakee ot ||22||\n\nbahut bhaant pakavaan naamale kon vakhaanen ||\nginat na aave paar param ruchi dhare sandhaanen ||\nvaasondhee miShree sanee mili mrigamad ghanasaar ||\nnaanaavidhi mevaanake ginat na aave paar ||23||\n\ndadhi sikharan sanyaav semmaee paayas pyaaree ||\nvaraa magoree varee tilavaree rochak nyaaree ||\npaapar ati komaladhare ghrit navaneet mangaay ||\notyo dudh dharyo dhoreeko miShree pano chhanaay ||24||\n\ntulasee dal de Nand pohop maalaa paheraaven ||\nsaurabh chandan peet sajal shankhodak naaven ||\nduhunkar joren deen vhai dhyaan dharat vrajaraaj ||\npratyakshavhai bhojanakaren roop dharen giriraaj ||25||\n\nkahat gop samujhaay roop giriraaj nihaaro ||\njaaken aiso poot suphal vrajavaas tihaaro ||\nmor pakhauvaa shir dhare ur raajat vanamaal ||\nsab dekhat bhojanakare ho maano Shreegopaal ||26||\n\nyathaashakti phal patr paak Brajvaasee laaye ||\npremabhakti pratipaal param ruchison ve khaaye ||\nkaahoo ati sankochate saji dhar raakhyo geh ||\nmaangamaang sabapen liyo prakat janaayo neh ||27||\n\nsheetal param suvaas sukhad yamunodak leenon ||\nrahyo jo shesh prasaad vaant brajavaasin deenon ||\nbeereedet sanmhaaraken aapun Nand kumaar ||\naarogat brajaraaj saanvaro brajajan let ugaar ||28||\n\nmahaa mahotsav maan leeyo giriraaj hamaaro ||\nbrajavaasin shirachhatr sadaan godhan rakhavaaro ||\nbrajaraanee kar aarato laagat girike paay ||\npatabhooshan nyonchchhaavar karaken gvaalan det bulaay ||29||\n\nnandaadik Braj gop saben jur sanmukh aaye ||\nnayan paani aru greev sheesh giri charan chhuvaaye ||\nraamakrishnake sheeshape dev paani parasaay ||\naagyaa le gharakon chale padavandan karavaay ||30||\n\nindr uthyo akulaay aaj kyon hot avero ||\noraver Vraj jaay lehun bali bhog savero ||\nbrajabalikee sudh lennakon deene doot pathaay ||\nmahaamahotsav dekhaken kahyo indrason jaay ||31||\n\nkop indr ghan jor sabe brajalok pathaaye ||\nchahun auraten gheragher brajaboran aaye ||\nmooshaladhaar varakhan lagyo Braj kampyo akulaay ||\nkahyo saban brajaraajason ab ko hoy sahaay ||32||\n\nvyaakul lakh brajavaasi kaanh govarddhan dhaayon ||\nvaamapaani angureen ek nakh agr udharyo ||\ngop lakutiyaa le rahe tekee chahundhaan aay ||\nkomalakar ati bhaaraten mati it ut digi jaay ||33||\n\nle katiten kar venu dharyo adharan giridhaaree ||\nsaptarandhr svar poor ghor ooncheede bhaaree ||\nparvat deeyo uchhaaraken svarapen rahyo thaheraay ||\ngopanako bal dekhaken phiri giri thaambhyo aay ||34||\n\nsaat ghos nish paree prabal ati jalakee dhaaren ||\ngirikee chhaayaa sakal gop godhan trinachaaren ||\nboond na kaahoo parasaheen yah sun atul prataap ||\nparam purush yah jaanaken indr barhyo santaap ||35||\n\nle surabhee Braj aaee paayn harike shiranaayo ||\ntum devanake dev keeyo men apanon paayo ||\nabalommen jaanyon naheen Vraj vrindaavan roop ||\nkripaa drishtison dekhiyen akhil lokake bhoop ||36||\n\ngiri dharadharani kaanh paani surapati shiradhaayon ||\ndhenu ksheer abhishek maan aparaadh nibaaryo ||\nsvarg lokako raaj de karason thaapee peeth ||\nabaten yah vrataraakhiyo vrajapar amrit deeth ||37||\n\nindr pathaayo geh aap Vraj maayaa pheree ||\ndev vimaanan aay varakh kusumanakee dheree ||\nsab kooo govindako Shreemukh nirakhat aay ||\ndet daan bahu Nand-joo ur aanand na samaay ||38||\n\ndhaay yashomati maay laalakon kanth lagaave ||\nvaar vaar jalapeeve choomakar nayan chhuvaave ||\nsaatavarasako saanvaro saat ghos ikahaath ||\ngiri dhaaryo baladevake so prabhu vaikunthanaath ||39||\n\nsab vrajavaasee log kahat vrajaraaj duhaaee ||\njayajay shabd uchchaar hamaaro dev Kanhaaee ||\nde asees gharakon chale gvaal gop vrajanaari ||\nvrajajan Giridhar roopape daaryo sarvasv vaari ||40||","image":"images/1511.png","verified":1,"created_date":"2026-08-09T12:47:14","updated_date":"2026-08-24T12:16:50.815Z","super_type":"All","translate_text_hindi":null,"translate_text_gujarati":null}