{"id":1512,"title":"अपने अपने टोल | Apane Apane Tol","type":"059 Govardhan Lila Annakut | गोवर्धन लीला अन्नकूट","raag":"Bilaval | बिलावल","original_text":"अपने अपने टोल कहत व्रजवासियां ॥ शरद कुहू निश जान दीपमालिका जो आई ॥ गोपन मन आनंद फिरत उनमद अधिकाई ॥ ऐं पन थापे दीजियें घरघर मंगलचार ॥ सातवरसको सांवरो खेलत नंददुवार ॥१ ॥ बैठ नंद उपनंद बोल वृषभान पठाये ॥ सुरपति पूजा जान तहां चल गोविंद आये ॥ वारवार हाहा करें कहो बावा यह बात ॥ घरघर गोरस संचियें कोन देवकी जात ॥२ ॥ कान्ह तुमारी कुशल जान एक मंत्र उपेहें ॥ खटरस व्यंजन साज भोग सुरपतिकों देहें ॥ नंद कह्यो चुचकारकें जा दामोदर सोय ॥ वरस घोसको घोसहे महामहोत्सव होय ॥३ ॥ तब हँस बोले लाल मंत्र बहोर्यो एक कीनों ॥ आदि पुरुष निज जान रेंन सपनों मोहि दीनों ॥ सब देवनको देवता गिरि गोवर्द्धन राज ॥ ताहि भोग किन दीजियें सुरपतिको कहा काज ॥४ ॥ बाढे गोधन वृंद दूध दधिको कहा लेखो ॥ यह परचो विद्यमान नयन अपने किन देखो ॥ तुम देखत बल खायगो मोंहों मांग्यो फल देय ॥ गोप कुशलजो चाहियें तो गिरि गोवर्द्धन सेय ॥५॥ गोपन कीयो विचार सबन मिल शकट जो साजे ॥ बहु विध कर पकवान चले जहां बाजन बाजे ॥ एक वनही वनकों चले एक नंदीसुर भीर ॥ एकन पेंडो पावही फूले फिरत अहीर ॥६॥ एक ऊबटहै चले एक वनही वनछाये ॥ एक गावें गुण गोविंद प्रेम उमगे न समाये ॥ गोपनको सागर भयो गिरि भयो मंदराचार ॥ रत्न भई सब गोपिका कान्ह विलोवन हार ॥७॥ व्रज चोरासी कोस परे गोपनके डेरा ॥ लंबे चौवन कोस जहाँ व्रजवास वसेरा ॥ सबहिनके मन सांवरो देखियत सबन मंझार ॥ कौतुक भूले देवता आये लोक विसार ॥८॥ लीने विप्र बुलाय यज्ञ आरंभन कीनों ॥ सुरपति पूजा मेंट राज गोवर्द्धन दीनों ॥ देव दीवारी श्यामही सब मिल पूजन जाय ॥ नंद प्रतीत जो चाहिये तो तुम देखत बलिखाय ॥९॥ प्रथमही दूध न्हवाय बोहोरि गंगाजल ढार्यो ॥ बडो देवता जान कान्हको मतो बिचार्यो ॥ जेसेहें गिरिराजजू तैसो अन्नको कोट ॥ मग्नभये पूजा करें नरनारी बड छोट ॥१०॥ सहस्र भुजाउरधरें करें भोजन अधिकाई ॥ नख शिखलों अनुहार मानों दूसरो कन्हाई ॥ ललिता राधासों कहे तेरे हृदें  समाय ॥ गहे अंगुरिया नंदकी सो ढोटा पूजा खाय ॥११॥ पीत दुमालो बन्यो कंठ मोतिनकी माला ॥ सुंदर सुभग शरीर झलमले नयन विशाला ॥ श्यामकी शोभा गिरि भयो गिरिकी शोभा श्याम ॥ जेसो परवत भातको ढिंग भैया बलराम ॥१२॥ व्यंजन बहुत बनाय कहांलों नाम बखानों ॥ भयो भातको कोट ओट गिरिराज छिपानों ॥ बरा बिराजे भातपे चंदा पटतर सोय ॥ यज्ञपुरुष भोजन करे सब देवन सुख होय ॥१३॥ जेसी कंचनपुरी दिव्य रत्ननसों छाई ॥ बलि दीनीहे प्रात छांह चलि पूरव आई ॥ बदरोला वृषभानकी रही विलोवन हार ॥ ताकी बलि उन देवता लीनी भुजापसार ॥१४॥ सब सामग्री अरपि गोप गोपिन करजोरे ॥ अगणित कीने स्वाद दास बरणे कहा थोरे ॥ यह विध पूजा कीजिये कह्यो सबन समुझाय ॥ श्याम कह्यो सूरदाससों मेरी लीला सरस बनाय ॥१५॥","translate_text":"अपने अपने टोल | Apane Apane Tol\n\n(राग बिलावल | Raga Bilaval)\n\nअपने अपने टोल कहत व्रजवासियां ॥\nशरद कुहू निश जान दीपमालिका जो आई ॥\nThe residents of Vraj speak among their respective groups: “The dark Amavasya night of Sharad has come, and with it Deepmalika.\n\nगोपन मन आनंद फिरत उनमद अधिकाई ॥\nऐं पन थापे दीजियें घरघर मंगलचार ॥\nThe Gopas move about filled with joy and great excitement. Let auspicious decorations be set up, and let there be celebration in every home.\n\nसातवरसको सांवरो खेलत नंददुवार ॥१ ॥\nThe seven-year-old little dark-hued One plays at Nanda’s doorway. ॥१॥\n\nबैठ नंद उपनंद बोल वृषभान पठाये ॥\nसुरपति पूजा जान तहां चल गोविंद आये ॥\nNanda and Upananda sat together and sent word to Vrishabhan. Learning that the worship of Surapati was being prepared, Govind came there.\n\nवारवार हाहा करें कहो बावा यह बात ॥\nघरघर गोरस संचियें कोन देवकी जात ॥२ ॥\nAgain and again He pleaded, “Baba, tell Me this: for what kind of deity is all this milk and curd being collected in every home?” ॥२॥\n\nकान्ह तुमारी कुशल जान एक मंत्र उपेहें ॥\nखटरस व्यंजन साज भोग सुरपतिकों देहें ॥\n“Kanh, for your well-being, we follow an established observance: we prepare dishes of the six tastes and offer bhog to Surapati.”\n\nनंद कह्यो चुचकारकें जा दामोदर सोय ॥\nवरस घोसको घोसहे महामहोत्सव होय ॥३ ॥\nNanda lovingly coaxed Him and said, “Go now, Damodar, and sleep. Once a year, the entire cowherd settlement celebrates this great festival.” ॥३॥\n\nतब हँस बोले लाल मंत्र बहोर्यो एक कीनों ॥\nआदि पुरुष निज जान रेंन सपनों मोहि दीनों ॥\nThen Lala smiled and said, “I too have received another sacred teaching. The Adi Purush Himself appeared to Me in a dream during the night and gave it to Me.\n\nसब देवनको देवता गिरि गोवर्द्धन राज ॥\nताहि भोग किन दीजियें सुरपतिको कहा काज ॥४ ॥\nGiriraj Govardhan is the Deva of all the devas. Why should we not offer the bhog to Him? What need have we of Surapati?” ॥४॥\n\nबाढे गोधन वृंद दूध दधिको कहा लेखो ॥\nयह परचो विद्यमान नयन अपने किन देखो ॥\n“See how the herds of cows flourish—who can count all their milk and curd? This proof is right before you; why not see it with your own eyes?\n\nतुम देखत बल खायगो मोंहों मांग्यो फल देय ॥\nगोप कुशलजो चाहियें तो गिरि गोवर्द्धन सेय ॥५॥\nBefore your very eyes He will eat the offering, and if I ask Him, He will grant the desired fruit. If you wish for the welfare of the Gopas, then serve Giriraj Govardhan.” ॥५॥\n\nगोपन कीयो विचार सबन मिल शकट जो साजे ॥\nबहु विध कर पकवान चले जहां बाजन बाजे ॥\nThe Gopas considered this together, and all prepared their carts. Having made many kinds of festive foods, they set out while musical instruments resounded.\n\nएक वनही वनकों चले एक नंदीसुर भीर ॥\nएकन पेंडो पावही फूले फिरत अहीर ॥६॥\nSome went by one forest path and others through the crowds near Nandishvar. Some followed another path, while the Ahirs moved about overflowing with joy. ॥६॥\n\nएक ऊबटहै चले एक वनही वनछाये ॥\nएक गावें गुण गोविंद प्रेम उमगे न समाये ॥\nSome went along the rising paths, while others passed through the shade of the forest. Some sang the virtues of Govind, unable to contain the love swelling within them.\n\nगोपनको सागर भयो गिरि भयो मंदराचार ॥\nरत्न भई सब गोपिका कान्ह विलोवन हार ॥७॥\nThe multitude of Gopas became like an ocean, and Giriraj like Mount Mandara. All the Gopis became its jewels, while Kanh was the One who churned that ocean. ॥७॥\n\nव्रज चोरासी कोस परे गोपनके डेरा ॥\nलंबे चौवन कोस जहाँ व्रजवास वसेरा ॥\nThroughout the eighty-four kos of Vraj were the encampments of the Gopas, extending across the fifty-four kos where the people of Vraj dwelt.\n\nसबहिनके मन सांवरो देखियत सबन मंझार ॥\nकौतुक भूले देवता आये लोक विसार ॥८॥\nThe dark-hued One dwelt within everyone’s heart and could be seen in the midst of them all. The devas, forgetting their own realms in wonder, came to behold the sight. ॥८॥\n\nलीने विप्र बुलाय यज्ञ आरंभन कीनों ॥\nसुरपति पूजा मेंट राज गोवर्द्धन दीनों ॥\nThey called the Brahmins and began the yajna. Setting aside the worship of Surapati, they gave that honour to King Govardhan.\n\nदेव दीवारी श्यामही सब मिल पूजन जाय ॥\nनंद प्रतीत जो चाहिये तो तुम देखत बलिखाय ॥९॥\nOn Dev Diwali, everyone went together to worship Shyam Himself. He said, “Nanda, if you want proof, you shall see Him accept the offering before your own eyes.” ॥९॥\n\nप्रथमही दूध न्हवाय बोहोरि गंगाजल ढार्यो ॥\nबडो देवता जान कान्हको मतो बिचार्यो ॥\nFirst they bathed Him with milk and then poured Ganga water over Him. Accepting Kanh’s counsel, they honoured Him as the great Deva.\n\nजेसेहें गिरिराजजू तैसो अन्नको कोट ॥\nमग्नभये पूजा करें नरनारी बड छोट ॥१०॥\nThey made a mountain of food resembling Giriraj Himself. Men and women, young and old, became absorbed in His worship. ॥१०॥\n\nसहस्र भुजाउरधरें करें भोजन अधिकाई ॥\nनख शिखलों अनुहार मानों दूसरो कन्हाई ॥\nWith a thousand arms He accepted the abundant feast. From head to toe His appearance was just like another Kanhai.\n\nललिता राधासों कहे तेरे हृदें समाय ॥\nगहे अंगुरिया नंदकी सो ढोटा पूजा खाय ॥११॥\nLalita says to Radha, “He is the One who dwells within Your heart. That very little boy who holds Nanda’s finger is here accepting the worship.” ॥११॥\n\nपीत दुमालो बन्यो कंठ मोतिनकी माला ॥\nसुंदर सुभग शरीर झलमले नयन विशाला ॥\nA yellow dumala adorns Him, and a pearl necklace rests upon His neck. His beautiful, graceful form shines, and His large eyes are radiant.\n\nश्यामकी शोभा गिरि भयो गिरिकी शोभा श्याम ॥\nजेसो परवत भातको ढिंग भैया बलराम ॥१२॥\nThe beauty of Shyam has become the beauty of Giriraj, and the beauty of Giriraj is Shyam’s own. Beside the mountain of rice stands Bhaiya Balaram. ॥१२॥\n\nव्यंजन बहुत बनाय कहांलों नाम बखानों ॥\nभयो भातको कोट ओट गिरिराज छिपानों ॥\nSo many dishes were prepared—how could all their names be told? A great mountain of rice was raised, behind which even Giriraj seemed hidden.\n\nबरा बिराजे भातपे चंदा पटतर सोय ॥\nयज्ञपुरुष भोजन करे सब देवन सुख होय ॥१३॥\nBaras arranged upon the rice shone like moons spread across it. Yajna Purush accepted the meal, bringing joy to all the devas. ॥१३॥\n\nजेसी कंचनपुरी दिव्य रत्ननसों छाई ॥\nबलि दीनीहे प्रात छांह चलि पूरव आई ॥\nThe place shone like a golden city covered with divine jewels. The offering was made at dawn as the morning light spread from the east.\n\nबदरोला वृषभानकी रही विलोवन हार ॥\nताकी बलि उन देवता लीनी भुजापसार ॥१४॥\nVrishabhan’s Badarola stood watching in wonder. That Deva stretched out His arms and accepted her offering. ॥१४॥\n\nसब सामग्री अरपि गोप गोपिन करजोरे ॥\nअगणित कीने स्वाद दास बरणे कहा थोरे ॥\nThe Gopas and Gopis offered all the prepared items with folded hands. He tasted countless preparations—how could this servant describe more than a little of them?\n\nयह विध पूजा कीजिये कह्यो सबन समुझाय ॥\nश्याम कह्यो सूरदाससों मेरी लीला सरस बनाय ॥१५॥\nIn this way, Shyam instructed everyone how the worship should be performed. Shyam said to Surdas, “Sing this beautiful Leela of Mine with rasa.” ॥१५॥","transliterate_text":"apne apne tol kahat vrajavaasiyaan ||\nsharad kuhoo nish jaan deepamaalikaa jo aaee ||\ngopan man aanand phirat unamad adhikaaee ||\nain pan thaape deejiyen gharaghar mangalachaar ||\nsaatavarasako saanvaro khelat nandaduvaar ||1||\n\nbaith Nand upanand bol vrishabhaan pathaaye ||\nsurapati poojaa jaan tahaan chal Govind aaye ||\nvaaravaar haahaa karen kaho baavaa yah baat ||\ngharaghar goras sanchiyen kon devakee jaat ||2||\n\nkaanh tumaaree kushal jaan ek mantr upehen ||\nkhataras vyanjan saaj bhog surapatikon dehen ||\nNand kahyo chuchakaaraken jaa daamodar soy ||\nvaras ghosako ghosahe mahaamahotsav hoy ||3||\n\ntab hans bole laal mantr bahoryo ek keenon ||\naadi purush nij jaan renn sapanon mohi deenon ||\nsab devanako devataa giri govarddhan raaj ||\ntaahi bhog kin deejiyen surapatiko kahaa kaaj ||4||\n\nbaadhe godhan vrind doodh dadhiko kahaa lekho ||\nyah paracho vidyamaan nayan apne kin dekho ||\ntum dekhat bal khaayago monhon maangyo phal dey ||\ngop kushalajo chaahiyen to giri govarddhan sey ||5||\n\ngopan keeyo vichaar saban mil shakat jo saaje ||\nbahu vidh kar pakavaan chale jahaan baajan baaje ||\nek vanahee vanakon chale ek nandeesur bheer ||\nekan pendo paavahee phoole phirat aheer ||6||\n\nek oobatahai chale ek vanahee vanachhaaye ||\nek gaaven gun Govind prem umage na samaaye ||\ngopanako saagar bhayo giri bhayo mandaraachaar ||\nratn bhaee sab gopikaa kaanh vilovan haar ||7||\n\nVraj choraasee kos pare gopanake deraa ||\nlambe chauvan kos jahaan vrajavaas vaseraa ||\nsabahinake man saanvaro dekhiyat saban manjhaar ||\nkautuk bhoole devataa aaye lok visaar ||8||\n\nleene vipr bulaay yagya aarambhan keenon ||\nsurapati poojaa ment raaj govarddhan deenon ||\ndev deevaaree shyaamahee sab mil poojan jaay ||\nNand prateet jo chaahiye to tum dekhat balikhaay ||9||\n\nprathamahee doodh nhavaay bohori gangaajal dhaaryo ||\nbado devataa jaan kaanhako mato bichaaryo ||\njesehen giriraajajoo taiso annako kot ||\nmagnabhaye poojaa karen naranaaree bad chhot ||10||\n\nsahasr bhujaauradharen karen bhojan adhikaaee ||\nnakh shikhalon anuhaar maanon doosaro Kanhaaee ||\nlalitaa raadhaason kahe tere hriden  samaay ||\ngahe anguriyaa nandakee so dhotaa poojaa khaay ||11||\n\npeet dumaalo banyo kanth motinakee maalaa ||\nsundar subhag shareer jhalamale nayan vishaalaa ||\nshyaamakee shobhaa giri bhayo girikee shobhaa shyaam ||\njeso paravat bhaatako dhing bhaiyaa balaraam ||12||\n\nvyanjan bahut banaay kahaanlon naam bakhaanon ||\nbhayo bhaatako kot ot giriraaj chhipaanon ||\nbaraa biraaje bhaatape chandaa patatar soy ||\nyagyapurush bhojan kare sab devan sukh hoy ||13||\n\njesee kanchanapuree divy ratnanason chhaaee ||\nbali deeneehe praat chhaanh chali poorav aaee ||\nbadarolaa vrishabhaanakee rahee vilovan haar ||\ntaakee bali un devataa leenee bhujaapasaar ||14||\n\nsab saamagree arapi gop gopin karajore ||\naganit keene svaad daas barane kahaa thore ||\nyah vidh poojaa keejiye kahyo saban samujhaay ||\nshyaam kahyo sooradaasason meree leelaa saras banaay ||15||","image":"images/1512.png","verified":1,"created_date":"2026-08-09T12:47:14","updated_date":"2026-08-24T13:34:51.043Z","super_type":"All","translate_text_hindi":null,"translate_text_gujarati":null}