{"id":2465,"title":"तिहारी ढाढी श्रीलछमनराज | Tihari Dhadhi Shrilachhmanraj","type":"109 Shri Mahaprabhuji Ki Dhadhi Lila | श्री महाप्रभुजी की ढाढी लीला","raag":"Maru | मारू","original_text":"तिहारी ढाढी श्रीलछमनराज। तिहारे पूत भये पुरुषोत्तम सुफल भये मेरे काज ॥१॥ तिहारे पितर भये जे पहेले महापुरुष अवतार। तिलंग तिलक द्विज जग्यनारायन किने जग्य अपार ॥२॥ ताके पूत भये गंगाधर कीने बहुत सोमयाग । तिनके गनपति सोमजग्य करि वे हैं बड़े सोहाग ॥३॥ ताके श्रीवल्लभ अग्निहोत्री तव पितु अति कृपाल । तिहारे पूत आचारज वल्लभ वदन अनल बीजपाल ॥४॥ दैवी जीव उद्धारन कारन मायावाद निवार । श्री भागवत स्वरूप बताये सेवा पुष्टि प्रकार ॥५॥ इनके पूत होयके दोऊ श्रीहलधर गोपकुमार । गोपीनाथ विठ्ठल पुरुषोत्तम तिहि गोकुल उजियार ॥६॥ श्री विठ्ठल को सात होई सुत ते सब आप समान । सुतके सुत नाती पाँति सब दीपत दीप प्रमान ॥७॥ नरनारी जे सरन आये हैं ते सब किये सनाथ । नाम सुनाये भक्ति देके पकरे दृढ करि हाथ ॥८॥ तव सुतके गुन रूप बखाने तोहु न आवे पार । गोकुलपति मुख्य व्है वहनि वपु आकृति सीतल सार ॥९॥ हौं ढाढी तिहारे घरको तव सुत कीरत करों गान । पर्यों रहूँ हरिवदन विलोकुं मागूं न भिच्छा आन ॥१०॥ तुम हो परम उदार दानेश्वर हौं मांगु सो दीजो । ढाढिन मेरी इनकी चेरी मोहे चेरो करि लीजो ॥११॥ निसदिन भक्ति करों तव सुतकी इतनी पूजहु आस । जनम जनम नित लीला निरखूं बलि-बलि वल्लभदास ॥१२॥","translate_text":"तिहारी ढाढी श्रीलछमनराज | Tihari Dhadhi Shrilachhmanraj\n\n(राग मारू | Raga Maru)\n\nतिहारी ढाढी श्रीलछमनराज। तिहारे पूत भये पुरुषोत्तम सुफल भये मेरे काज ॥१॥\nO Shri Lachhmanraj, I am your bard. Purushottam has been born as your son, and all my purposes have been fulfilled. ॥१॥\n\nतिहारे पितर भये जे पहेले महापुरुष अवतार। तिलंग तिलक द्विज जग्यनारायन किने जग्य अपार ॥२॥\nAmong your forefathers, the first was the great Purush, Jagyanarayan—the foremost Brahmin of Tailang—who performed countless yajnas. ॥२॥\n\nताके पूत भये गंगाधर कीने बहुत सोमयाग । तिनके गनपति सोमजग्य करि वे हैं बड़े सोहाग ॥३॥\nHis son was Gangadhar, who performed many Soma-yajnas. His son Ganapati also performed Soma-yajnas and was greatly blessed. ॥३॥\n\nताके श्रीवल्लभ अग्निहोत्री तव पितु अति कृपाल । तिहारे पूत आचारज वल्लभ वदन अनल बीजपाल ॥४॥\nHis son was Shri Vallabh Agnihotri, your greatly gracious father. Your son is Acharya Vallabh, in whose mouth dwells the seed of fire. ॥४॥\n\nदैवी जीव उद्धारन कारन मायावाद निवार । श्री भागवत स्वरूप बताये सेवा पुष्टि प्रकार ॥५॥\nFor the upliftment of divine souls, He refuted Mayavada. He revealed the true form of Shri Bhagavat and the path of seva and Pushti. ॥५॥\n\nइनके पूत होयके दोऊ श्रीहलधर गोपकुमार । गोपीनाथ विठ्ठल पुरुषोत्तम तिहि गोकुल उजियार ॥६॥\nHis two sons were like Shri Haladhar and the cowherd prince: Gopinath and Vitthal, who illumined Gokul. ॥६॥\n\nश्री विठ्ठल को सात होई सुत ते सब आप समान । सुतके सुत नाती पाँति सब दीपत दीप प्रमान ॥७॥\nShri Vitthal had seven sons, all like Himself. Their sons, grandsons, and descendants all shine like radiant lamps. ॥७॥\n\nनरनारी जे सरन आये हैं ते सब किये सनाथ । नाम सुनाये भक्ति देके पकरे दृढ करि हाथ ॥८॥\nAll the men and women who came into His refuge were given a protector. He gave them the Name and bhakti, and firmly took them by the hand. ॥८॥\n\nतव सुतके गुन रूप बखाने तोहु न आवे पार । गोकुलपति मुख्य व्है वहनि वपु आकृति सीतल सार ॥९॥\nEven if I describe the virtues and form of your son, I cannot reach their limit. As the foremost Lord of Gokul, His form and appearance are the very essence of soothing grace. ॥९॥\n\nहौं ढाढी तिहारे घरको तव सुत कीरत करों गान । पर्यों रहूँ हरिवदन विलोकुं मागूं न भिच्छा आन ॥१०॥\nI am the bard of your household, and I sing the glory of your son. May I remain here, beholding Harivadan; I ask for no other alms. ॥१०॥\n\nतुम हो परम उदार दानेश्वर हौं मांगु सो दीजो । ढाढिन मेरी इनकी चेरी मोहे चेरो करि लीजो ॥११॥\nYou are supremely generous, the lord of giving; please grant what I ask. Accept us as His das. ॥११॥\n\nनिसदिन भक्ति करों तव सुतकी इतनी पूजहु आस । जनम जनम नित लीला निरखूं बलि-बलि वल्लभदास ॥१२॥\nMay I worship your son with bhakti day and night—please fulfill this one hope of mine: birth after birth, may I ever behold His lila. Again and again, Vallabhdas offers himself. ॥१२॥","transliterate_text":"tihaaree dhaadhee Shreelachhamanaraaj |\ntihaare poot bhaye purushottam suphal bhaye mere kaaj ||1||\n\ntihaare pitar bhaye je pahele mahaapurush avataar |\ntilang tilak dvij jagyanaaraayan kine jagy apaar ||2||\n\ntaake poot bhaye gangaadhar keene bahut somayaag |\ntinake ganapati somajagy kari ve hain bare sohaag ||3||\n\ntaake Shreevallabh agnihotree tav pitu ati kripaal |\ntihaare poot aachaaraj Vallabh vadan anal beejapaal ||4||\n\ndaivee jeev uddhaaran kaaran maayaavaad nivaar |\nShree bhaagavat svaroop bataaye sevaa pushti prakaar ||5||\n\ninake poot hoyake dooo Shreehaladhar gopakumaar |\ngopeenaath Vitthal purushottam tihi Gokul ujiyaar ||6||\n\nShree Vitthal ko saat hoee sut te sab aap samaan |\nsutake sut naatee paanti sab deepat deep pramaan ||7||\n\nnaranaaree je saran aaye hain te sab kiye sanaath |\nnaam sunaaye bhakti deke pakare dridh kari haath ||8||\n\ntav sutake gun roop bakhaane tohu na aave paar |\ngokulapati mukhy vhai vahani vapu aakriti seetal saar ||9||\n\nhaun dhaadhee tihaare gharako tav sut keerat karon gaan |\nparyon rahoon harivadan vilokun maagoon na bhichchhaa aan ||10||\n\ntum ho param udaar daaneshvar haun maangu so deejo |\ndhaadhin meree inakee cheree mohe chero kari leejo ||11||\n\nnisadin bhakti karon tav sutakee itanee poojahu aas |\njanam janam nit leelaa nirakhoon bali-bali vallabhadaas ||12||","image":"images/shrivallabh.png","verified":1,"created_date":"2026-08-09T12:47:14","updated_date":"2026-09-04T14:21:44.307Z","super_type":"All","translate_text_hindi":null,"translate_text_gujarati":null}