{"id":2466,"title":"तिहारो ढाढी आयो | Tiharo Dhadhi Ayo","type":"109 Shri Mahaprabhuji Ki Dhadhi Lila | श्री महाप्रभुजी की ढाढी लीला","raag":"Maru | मारू","original_text":"तिहारो ढाढी आयो हो हौं बलि वल्लभ राज । प्रगट भये तैलंग कुलदीपक लीने सब सुख साज ॥१॥ एक बार प्रगटे जसुमतिके बलयुत नंदकुमार । भक्तजनन की आशा पूरी नंद जूं महा उदार ॥२॥ अब के प्रगट तिहारे श्री हरि सुनि लछिमन भटराई । या ढोटाके गुन लीलारस मोपे बरनी न जाई ॥३॥ मायावाद खंड भुव ऊपर कृष्णभक्ति प्रकटाई । तीरथ सकल सनाथ करेंगे चरणकमलसों धाई ॥४॥ या ढोटाके सुत द्वै होंगे रामकृष्ण सुखदाता । नाम श्रीगोपीनाथ श्रीविठ्ठल निजजन के रसत्राता ॥५॥ विठ्ठलप्रभु के सात पुत्र व्है हैं ज्यों व्रज में गिरिधारी । प्रथम पुत्र गिरिधर परिपूरन भुव पर जस विस्तारी ॥६॥ श्रीगोविन्द श्रीबालकृष्ण अरु श्रीगोकुलपति जोरी । श्रीरघुपति जदुपति मन मोहे खेलत ब्रज की खोरी ॥७॥ श्रीघनश्याम आदि बालक संग पुत्र पौत्र जसधारी ॥ लेत सबन लाला दरसे हैं दरसन में अघहारी ॥८॥ रस श्रृंगार भोगरस बहुहि नंदराय ज्यों कीने ॥ कलिके जीव कृतार्थ व्हैहैं वारि अपन पो दीने ॥९॥ सुन सुतको जस लछमन भट तब ढाढी ले निज पासी ॥ मन भायो दियो ढाढी को पूरन कीनी आसी ॥१०॥ श्रीवल्लभके चरन दोऊ ले ढाढी सीस छुवायो ॥ मगन होय तब नाचन लाग्यो तन त्रैताप नसायो ॥११॥ ले बलाय वारत तन मन धन ढाढी मन सुख पायो ॥ कृष्णदास श्री वल्लभ के गुन जन्म जन्म जस गायो ॥१२॥","translate_text":"तिहारो ढाढी आयो | Tiharo Dhadhi Ayo\n\n(राग मारू | Raga Maru)\n\nतिहारो ढाढी आयो हो हौं बलि वल्लभ राज । प्रगट भये तैलंग कुलदीपक लीने सब सुख साज ॥१॥\nYour bard has come; I offer myself to you, O Vallabh Raj. The lamp of the Tailang lineage has appeared, bringing with Him every treasure of joy. ॥१॥\n\nएक बार प्रगटे जसुमतिके बलयुत नंदकुमार । भक्तजनन की आशा पूरी नंद जूं महा उदार ॥२॥\nOnce before, the mighty Nandakumar appeared to Yashoda. The greatly generous Nanda fulfilled the hopes of the devotees. ॥२॥\n\nअब के प्रगट तिहारे श्री हरि सुनि लछिमन भटराई । या ढोटाके गुन लीलारस मोपे बरनी न जाई ॥३॥\nNow Shri Hari has appeared in your home, O Lakshman Bhatt. The virtues and lila-rasa of this child cannot be described by me. ॥३॥\n\nमायावाद खंड भुव ऊपर कृष्णभक्ति प्रकटाई । तीरथ सकल सनाथ करेंगे चरणकमलसों धाई ॥४॥\nHe will refute Mayavada upon the earth and reveal Krishna-bhakti. All the sacred places will be blessed as He approaches them with His lotus feet. ॥४॥\n\nया ढोटाके सुत द्वै होंगे रामकृष्ण सुखदाता । नाम श्रीगोपीनाथ श्रीविठ्ठल निजजन के रसत्राता ॥५॥\nThis child will have two sons, like Rama and Krishna, givers of joy. Their names will be Shri Gopinath and Shri Vitthal, protectors of the rasa of their own devotees. ॥५॥\n\nविठ्ठलप्रभु के सात पुत्र व्है हैं ज्यों व्रज में गिरिधारी । प्रथम पुत्र गिरिधर परिपूरन भुव पर जस विस्तारी ॥६॥\nShri Vitthal Prabhu will have seven sons, like Giridhari in Vraj. The first son, Giridhar, will be complete in every way, and his glory will spread throughout the earth. ॥६॥\n\nश्रीगोविन्द श्रीबालकृष्ण अरु श्रीगोकुलपति जोरी । श्रीरघुपति जदुपति मन मोहे खेलत ब्रज की खोरी ॥७॥\nShri Govind, Shri Balkrishna, and Shri Gokulpati together with Shri Raghupati and Jadupati will delight the heart as they play in the lanes of Vraj. ॥७॥\n\nश्रीघनश्याम आदि बालक संग पुत्र पौत्र जसधारी ॥ लेत सबन लाला दरसे हैं दरसन में अघहारी ॥८॥\nShri Ghanshyam and the other children, together with sons and grandsons, will be bearers of glory. All will behold Lalaji, and His darshan will remove their sorrows. ॥८॥\n\nरस श्रृंगार भोगरस बहुहि नंदराय ज्यों कीने ॥ कलिके जीव कृतार्थ व्हैहैं वारि अपन पो दीने ॥९॥\nThey will offer abundant rasa, shringar, and bhog, just as Nandarai did. The souls of Kali-yuga will be fulfilled as they are accepted as His own. ॥९॥\n\nसुन सुतको जस लछमन भट तब ढाढी ले निज पासी ॥ मन भायो दियो ढाढी को पूरन कीनी आसी ॥१०॥\nHearing the glory of his son, Lakshman Bhatt then called the bard near. Pleased at heart, he gave to the bard and fulfilled his hope. ॥१०॥\n\nश्रीवल्लभके चरन दोऊ ले ढाढी सीस छुवायो ॥ मगन होय तब नाचन लाग्यो तन त्रैताप नसायो ॥११॥\nHe took both feet of Shri Vallabh and touched them to the bard’s head. Overcome with joy, the bard began to dance, and the threefold afflictions of his body disappeared. ॥११॥\n\nले बलाय वारत तन मन धन ढाढी मन सुख पायो ॥ कृष्णदास श्री वल्लभ के गुन जन्म जन्म जस गायो ॥१२॥\nTaking away the evil eye, the bard offered his body, mind, and wealth and found joy in his heart. Krishnadas sings the virtues and glory of Shri Vallabh, birth after birth. ॥१२॥","transliterate_text":"tihaaro dhaadhee aayo ho haun bali Vallabh raaj |\npragat bhaye tailang kuladeepak leene sab sukh saaj ||1||\n\nek baar pragate jasumatike balayut nandakumaar |\nbhaktajanan kee aashaa pooree Nand joon mahaa udaar ||2||\n\nab ke pragat tihaare Shree hari suni lachhiman bhataraaee |\nyaa dhotaake gun leelaaras mope baranee na jaaee ||3||\n\nmaayaavaad khand bhuv oopar krishnabhakti prakataaee |\nteerath sakal sanaath karenge charanakamalason dhaaee ||4||\n\nyaa dhotaake sut dvai honge raamakrishn sukhadaataa |\nnaam Shreegopeenaath Shreeviththal nijajan ke rasatraataa ||5||\n\nviththalaprabhu ke saat putr vhai hain jyon Vraj men giridhaaree |\npratham putr Giridhar paripooran bhuv par jas vistaaree ||6||\n\nShreegovind Shreebaalakrishn aru Shreegokulapati joree |\nShreeraghupati jadupati man mohe khelat Braj kee khoree ||7||\n\nShreeghanashyaam aadi baalak sang putr pautr jasadhaaree ||\nlet saban laalaa darase hain darasan men aghahaaree ||8||\n\nras shrringaar bhogaras bahuhi Nandraay jyon keene ||\nkalike jeev kritaarth vhaihain vaari apan po deene ||9||\n\nsun sutako jas lachhaman bhat tab dhaadhee le nij paasee ||\nman bhaayo diyo dhaadhee ko pooran keenee aasee ||10||\n\nShreevallabhake charan dooo le dhaadhee sees chhuvaayo ||\nmagan hoy tab naachan laagyo tan traitaap nasaayo ||11||\n\nle balaay vaarat tan man dhan dhaadhee man sukh paayo ||\nkrishnadaas Shree Vallabh ke gun janm janm jas gaayo ||12||","image":"images/shrivallabh.png","verified":1,"created_date":"2026-08-09T12:47:14","updated_date":"2026-09-04T14:28:37.757Z","super_type":"All","translate_text_hindi":null,"translate_text_gujarati":null}