{"id":3155,"title":"झूलत मदनमोहन पियराजत संग | Jhoolat Madanmohan Piyarajat Sang","type":"175 Hindora Shri Giriraj Upar Ke | हिंडोरना श्री गिरिराज ऊपर के","raag":"Malhar | मल्हार","original_text":"झूलत मदनमोहन पियराजत संग राधिका लीने ॥ सुभग शिखर गिरिगोवर्धनकी वरन वरन द्रुम फूल नवीने ॥१॥ तेसोई घन घोरत चहुंदिश चमकत चपला अति छबिलीने ॥ मंदमंद कुसुमावली बरखत इन्द्र धनुष बग पंगत कीने ॥२॥ बोलत दादुर चात्रक मोर पिक कोकिल गावत ले सुरझीने ॥ तेसीये गावत व्रजयुवतीं मिलि लाल बजावत वेणु प्रवीने ॥३॥ झूलवत सब प्रीतम मुख निरखत वरन वरन अम्बर तन झीने ॥ रसिकदास प्रभु दंपति रस भरे अधर सुधा प्यावत अरुपीने ॥४॥","translate_text":"झूलत मदनमोहन पियराजत संग | Jhoolat Madanmohan Piyarajat Sang\n\n(राग मल्हार | Raga Malhar)\n\nझूलत मदनमोहन पियराजत संग राधिका लीने ॥ सुभग शिखर गिरिगोवर्धनकी वरन वरन द्रुम फूल नवीने ॥१॥\nMadanmohan swings, with Rādhikā beside Him. The lovely peaks of Girirāj Govardhan are adorned with trees and freshly blossomed flowers of many kinds. ॥१॥\n\nतेसोई घन घोरत चहुंदिश चमकत चपला अति छबिलीने ॥ मंदमंद कुसुमावली बरखत इन्द्र धनुष बग पंगत कीने ॥२॥\nSuch clouds thunder on all sides, and beautiful lightning flashes brightly. Flower clusters shower gently, while the rainbow appears and rows of white herons are formed. ॥२॥\n\nबोलत दादुर चात्रक मोर पिक कोकिल गावत ले सुरझीने ॥ तेसीये गावत व्रजयुवतीं मिलि लाल बजावत वेणु प्रवीने ॥३॥\nThe frogs, chātaka birds, peacocks, and cuckoos call, singing in harmonious notes. In the same way, the young women of Vraj gather and sing, while the Beloved skillfully plays the flute. ॥३॥\n\nझूलवत सब प्रीतम मुख निरखत वरन वरन अम्बर तन झीने ॥ रसिकदास प्रभु दंपति रस भरे अधर सुधा प्यावत अरुपीने ॥४॥\nThey all swing the Beloved, gazing upon His face, while garments of many colors, delicate upon the body, are seen. Rasikdās says: the divine couple, filled with rasa, cherish the sweetness of Their loving exchange. ॥४॥","transliterate_text":"jhoolat madanamohan piyaraajat sang Raadhikaa leene ||\nsubhag shikhar girigovardhanakee varan varan drum phool naveene ||1||\n\ntesoee ghan ghorat chahundish chamakat chapalaa ati chhabileene ||\nmandamand kusumaavalee barakhat indr dhanush bag pangat keene ||2||\n\nbolat daadur chaatrak mor pik kokil gaavat le surajheene ||\nteseeye gaavat vrajayuvateen mili laal bajaavat venu praveene ||3||\n\njhoolavat sab preetam mukh nirakhat varan varan ambar tan jheene ||\nrasikadaas prabhu dampati ras bhare adhar sudhaa pyaavat arupeene ||4||","image":"images/3155.png","verified":1,"created_date":"2026-08-09T12:47:14","updated_date":"2026-09-17T23:43:29.973Z","super_type":"All","translate_text_hindi":null,"translate_text_gujarati":null}