{"id":3566,"title":"खेलत वसंत वल्लभ कुमार | Khelat Vasant Vallabh Kumar","type":"210 Basant Shri Gusainji Bhadre Khel | बसंत श्रीगुसाईजी भद्रे खेल","raag":"Basant | बसंत","original_text":"खेलत वसंत वल्लभ कुमार ॥ सोभा समुद्र बाढ्यो अपार ॥१॥ श्रीगिरिधर गिरिधरन साथ ॥ रंगभरत कनिक पिचकाई हाथ ॥२॥ श्रीगोविंद बालकृष्णजू संग ॥ छिरकत डारत बहुभांति रंग ॥३॥ रस खेलत खेलत गोकुलके नाथ ॥ केसरि रंग सोहत पागमाथ ॥४॥ श्रीरघुपति जदुपति अतिसुदेस ॥ घनस्याम सुभग सुंदर सुवेस ॥५॥ श्रीकल्यान राई लीला रसाल ॥ मुरलीधर दामोदर कृपाल ॥६॥ श्रीगोपीनाथ बालक विनोद ॥ सेवकजन निरखत मन प्रमोद ॥७॥ श्रीगोकुल परम सुदेश धाम ॥ मिलि गावत गीत विचित्र वाम ॥८॥ बाजत मृदंग मुख चंगरंग ॥ वीना कठताल पिनाक उपंग ॥९॥ केसरि चोवा मृगमद फुलेल ॥ ब्रजभामिनि छिरकत रेलपेल ॥१०॥ झोरी भरिभरि उडवत गुलाल ॥ मुख बोलत होहोहोरी ग्वाल ॥११॥ यह सुख सोभा मोपे कही न जाय ॥ जनदास निरखि बलिहारी जाय ॥१२॥ ","translate_text":"खेलत वसंत वल्लभ कुमार | Khelat Vasant Vallabh Kumar\n\n(राग बसंत | Raga Basant)\n\nखेलत वसंत वल्लभ कुमार ॥ सोभा समुद्र बाढ्यो अपार ॥१॥\nVallabh Kumār is playing in the spring; the ocean of His beauty has grown beyond measure. ॥१॥\n\nश्रीगिरिधर गिरिधरन साथ ॥ रंगभरत कनिक पिचकाई हाथ ॥२॥\nShri Giridhar is together with Shri Giridharan; holding golden pichkārīs in their hands, they fill them with colors. ॥२॥\n\nश्रीगोविंद बालकृष्णजू संग ॥ छिरकत डारत बहुभांति रंग ॥३॥\nShri Govind is together with Shri Bālakṛṣṇa; they sprinkle and throw colors in many different ways. ॥३॥\n\nरस खेलत खेलत गोकुलके नाथ ॥ केसरि रंग सोहत पागमाथ ॥४॥\nWhile playing this joyful play, the Lord of Gokul plays on. Saffron color looks beautiful upon His turban. ॥४॥\n\nश्रीरघुपति जदुपति अतिसुदेस ॥ घनस्याम सुभग सुंदर सुवेस ॥५॥\nShri Raghupati, the Lord of the Yadus, is most beautiful and graceful. Shri Ghanshyām is lovely, beautiful, and beautifully dressed. ॥५॥\n\nश्रीकल्यान राई लीला रसाल ॥ मुरलीधर दामोदर कृपाल ॥६॥\nShri Kalyāṇ Rāy is full of delightful līlā; Shri Muralīdhar Dāmodar is compassionate. ॥६॥\n\nश्रीगोपीनाथ बालक विनोद ॥ सेवकजन निरखत मन प्रमोद ॥७॥\nShri Gopīnāth delights in the playful acts of childhood; the sevaks behold Him and their hearts are filled with joy. ॥७॥\n\nश्रीगोकुल परम सुदेश धाम ॥ मिलि गावत गीत विचित्र वाम ॥८॥\nShri Gokul is the most beautiful and sacred abode. Everyone gathers together and sings various beautiful songs. ॥८॥\n\nबाजत मृदंग मुख चंगरंग ॥ वीना कठताल पिनाक उपंग ॥९॥\nThe mṛdaṅga and chang resound; the vīṇā, kaṭhatāl, pināk, and upaṅga are also being played. ॥९॥\n\nकेसरि चोवा मृगमद फुलेल ॥ ब्रजभामिनि छिरकत रेलपेल ॥१०॥\nSaffron, chovā, musk, and flower perfume are being sprinkled in abundance by the women of Vraj. ॥१०॥\n\nझोरी भरिभरि उडवत गुलाल ॥ मुख बोलत होहोहोरी ग्वाल ॥११॥\nThey fill their pouches again and again and throw gulāl into the air. The cowherd boys call out, “Ho! Ho! Holī!” ॥११॥\n\nयह सुख सोभा मोपे कही न जाय ॥ जनदास निरखि बलिहारी जाय ॥१२॥\nThis joy and beauty cannot be described by me. Janadās beholds it and offers himself completely. ॥१२॥","transliterate_text":"khelat vasant Vallabh kumaar ||\nsobhaa samudr baadhyo apaar ||1||\n\nShreegiridhar giridharan saath ||\nrangabharat kanik pichakaaee haath ||2||\n\nShreegovind baalakrishnajoo sang ||\nchhirakat daarat bahubhaanti rang ||3||\n\nras khelat khelat gokulake naath ||\nkesari rang sohat paagamaath ||4||\n\nShreeraghupati jadupati atisudes ||\nghanasyaam subhag sundar suves ||5||\n\nShreekalyaan raaee leelaa rasaal ||\nmuraleedhar daamodar kripaal ||6||\n\nShreegopeenaath baalak vinod ||\nsevakajan nirakhat man pramod ||7||\n\nShreegokul param sudesh dhaam ||\nmili gaavat geet vichitr vaam ||8||\n\nbaajat mridang mukh changarang ||\nveenaa kathataal pinaak upang ||9||\n\nkesari chovaa mrigamad phulel ||\nbrajabhaamini chhirakat relapel ||10||\n\njhoree bharibhari udavat gulaal ||\nmukh bolat hohohoree gvaal ||11||\n\nyah sukh sobhaa mope kahee na jaay ||\njanadaas nirakhi balihaaree jaay ||12||","image":"images/shrigusaiji.png","verified":1,"created_date":"2026-08-09T12:47:14","updated_date":"2026-09-27T21:05:59.833Z","super_type":"All"}