{"id":3687,"title":"ब्रज में हरि होरी मचाई | Braj Men Hari Hori Machai","type":"212 Basant Dhamar Ke Pad Mangala Darshan Hori - Khayal Ke Pad | बसंत धमार के पद मंगलादर्शन होरी - खयाल के पद","raag":"Kaphi | काफी","original_text":"ब्रज में हरि होरी मचाई ॥ टेक ॥ इतते आई सुघर राधिका उततें कुंवर कन्हाई ॥ हिलमिल फाग परस्पर खेलें शोभा वरणी न जाई ॥ नंदघर बजत बधाई ॥१॥ बाजत ताल मृदंग बांसुरी बीना डफ सहनाई ॥ उडत अबीर गुलाल कुंकुमा रह्यो सकल ब्रजछाई ॥ मानो मघवा झरलाई ॥२॥ लेलेरंग कनक पिचकारी सन्मुख सबै चलाई ॥ छिरकत रंग अंग सब भीजे झुकझुक चाचर गाई ॥ परस्पर लोग लुगाई ॥३॥ राधा ने सेनदई सखियन कों झुंडझुंड घिरआई ॥ लपट झपट गई स्याम सुंदर सों परवश पकर लेआई ॥ लालजी कों नाच नचाई ॥४॥ छीन लई मुरली पीतांबर सिरते चुनरी उढाई ॥ वेनी भाल नयन विच काजर नकवेसर पहराई ॥ मानो नई नार बनाई ॥५॥ मुसकतहो मुख मोडमोड कें कहांगई चतुराई ॥ कहां गये तेरे तात नंदजी कहां जसोदामाई ॥ तुम्हें अब लेय छूडाई ॥६॥ फगुवा दिये विनजानन पावो कोटिक करो उपाई ॥ लेहूं काढक सरसब दिन की तुम चितचोर चवाई ॥ बहुत दधि माखन खाई ॥७॥ रास विलास करत वृंदावन जहां तहां यदुराई ॥ राधा स्याम युगल जोरी पर सुरदास बलजाई ॥ प्रीति उररहा समाई ॥८॥ ","translate_text":"ब्रज में हरि होरी मचाई | Braj Men Hari Hori Machai\n\n(राग काफी | Raga Kaphi)\n\nब्रज में हरि होरी मचाई ॥ टेक ॥  \nHari has filled Vraj with the joyous play of Holi. ॥ Refrain ॥\n\nइतते आई सुघर राधिका उततें कुंवर कन्हाई ॥ हिलमिल फाग परस्पर खेलें शोभा वरणी न जाई ॥ नंदघर बजत बधाई ॥१॥  \nFrom this side came graceful Radhika, and from that side came Kunwar Kanhai. Mingling together, they play Holi with one another; their beauty cannot be described. Auspicious songs resound in Nanda’s house. ॥१॥\n\nबाजत ताल मृदंग बांसुरी बीना डफ सहनाई ॥ उडत अबीर गुलाल कुंकुमा रह्यो सकल ब्रजछाई ॥ मानो मघवा झरलाई ॥२॥  \nCymbals, mridang, flute, veena, daf and shehnai are sounding. Abir, gulal and kumkum fly through the air, covering all of Vraj, as though the clouds were pouring down rain. ॥२॥\n\nलेलेरंग कनक पिचकारी सन्मुख सबै चलाई ॥ छिरकत रंग अंग सब भीजे झुकझुक चाचर गाई ॥ परस्पर लोग लुगाई ॥३॥  \nTaking coloured water in golden pichkaris, everyone sprays it face to face. As the colours are sprinkled, every limb becomes drenched; bending again and again, men and women sing Chachar together. ॥३॥\n\nराधा ने सेनदई सखियन कों झुंडझुंड घिरआई ॥ लपट झपट गई स्याम सुंदर सों परवश पकर लेआई ॥ लालजी कों नाच नचाई ॥४॥  \nRadha gave a sign to the sakhis, and they came surrounding Him in groups. They rushed upon Shyam Sundar, seized Him helplessly and brought Him away, making Lalji dance. ॥४॥\n\nछीन लई मुरली पीतांबर सिरते चुनरी उढाई ॥ वेनी भाल नयन विच काजर नकवेसर पहराई ॥ मानो नई नार बनाई ॥५॥  \nThey snatched away His flute and pitambar and placed a chunari over His head. They adorned Him with a braid, a forehead ornament, kajal in His eyes and a nose-ring, as though they had made Him into a new young woman. ॥५॥\n\nमुसकतहो मुख मोडमोड कें कहांगई चतुराई ॥ कहां गये तेरे तात नंदजी कहां जसोदामाई ॥ तुम्हें अब लेय छूडाई ॥६॥  \nSmiling and turning their faces again and again, they say, “Where has Your cleverness gone? Where is Your father Nandji, and where is Yashoda Mai? Let them come now and free You.” ॥६॥\n\nफगुवा दिये विनजानन पावो कोटिक करो उपाई ॥ लेहूं काढक सरसब दिन की तुम चितचोर चवाई ॥ बहुत दधि माखन खाई ॥७॥  \n“Beloved, without giving us the Holi gift, You will not escape, however many millions of ways You try. Today we shall fully settle the account of all Your days of being called the thief of hearts and of eating so much curd and butter.” ॥७॥\n\nरास विलास करत वृंदावन जहां तहां यदुराई ॥ राधा स्याम युगल जोरी पर सुरदास बलजाई ॥ प्रीति उररहा समाई ॥८॥  \nThroughout Vrindavan, here and there, Yadurai delights in the play of rasa. Surdas offers himself to the divine pair, Radha and Shyam; love remains absorbed within his heart. ॥८॥","transliterate_text":"Braj men hari horee machaaee ||\ntek ||\nitate aaee sughar Raadhikaa utaten kunvar Kanhaaee ||\nhilamil phaag paraspar khelen shobhaa varanee na jaaee ||\nnandaghar bajat badhaaee ||1||\n\nbaajat taal mridang baansuree beenaa daph sahanaaee ||\nudat abeer gulaal kunkumaa rahyo sakal brajachhaaee ||\nmaano maghavaa jharalaaee ||2||\n\nlelerang kanak pichakaaree sanmukh sabai chalaaee ||\nchhirakat rang ang sab bheeje jhukajhuk chaachar gaaee ||\nparaspar log lugaaee ||3||\n\nRaadhaa ne senadaee sakhiyan kon jhundajhund ghiraaaee ||\nlapat jhapat gaee syaam sundar son paravash pakar leaaee ||\nlaalajee kon naach nachaaee ||4||\n\nchheen laee muralee peetaambar sirate chunaree udhaaee ||\nvenee bhaal nayan vich kaajar nakavesar paharaaee ||\nmaano naee naar banaaee ||5||\n\nmusakataho mukh modamod ken kahaangaee chaturaaee ||\nkahaan gaye tere taat nandajee kahaan jasodaamaaee ||\ntumhen ab ley chhoodaaee ||6||\n\nphaguvaa diye vinajaanan paavo kotik karo upaaee ||\nlehoon kaadhak sarasab din kee tum chitachor chavaaee ||\nbahut dadhi maakhan khaaee ||7||\n\nraas vilaas karat vrindaavan jahaan tahaan yaduraaee ||\nRaadhaa syaam yugal joree par suradaas balajaaee ||\npreeti urarahaa samaaee ||8||","image":"images/3687.png","verified":1,"created_date":"2026-08-09T12:47:14","updated_date":"2026-09-28T22:41:25.041Z","super_type":"All"}