{"id":463,"title":"आज कान्ह करि | Aaj Kanh Kari","type":"017 Shri Krishna Anna Prashan | श्री कृष्णा अन्न प्राशन","raag":"Sarang | सारंग","original_text":"आज कान्ह करि है अन्न प्रासन । मनि कंचनके थार भराये भाँति भाँतिके वासन ॥१॥ नंदघरनी ब्रज बधू बुलाई जे सब अपनी पाँतिन। कोऊ जौनार कोऊ करै घृत पके खटरस के बहु भाँतिन ॥२॥ बोहोत प्रकार किये बहु बिंजन अनेक बरन मिष्टान । अति उज्ज्वल कोमल अति सुंदर अति अद्भुत पकवान ॥३॥ जसुमति नंदहि बोलि कह्यौ तब महर बुलावौ जाति। आपु गये सब गोपनके घर लै आये सब जाति ॥४॥ आदर करि बैठाय सबनकों भीतर गये नंदराय । जसुमति उबटि न्हवाय कान्हकों पट भूषन पहराय ॥५॥ बारबार मुख निरखि यशोदा पुनि पुनि लेत बलाई । तनकसी झगुली माला मोतिन कर चूरा दुहुँ पाई ॥६॥ और जात सुत मुख जुठरायौ नंद बैठाये गोद । महरि बुलाई बैठारी मंडली आनंद करत विनोद ॥७॥ कनिक थार भरि खीर धरी लै तापर मधु घृत नाई । नंद लै लै हरि मुख जुठरावत नारि उठीं सब गाई ॥८॥ खटरस के परकार जहाँ लगि लै लै अधर छुवावत । विश्वभर जगदीश जगत गुरु परसन मुख करवावत ॥९॥ तनक तनक जल अधर पौछिकें जसुमतिपे पहाँचाये । हरखित युवति सब लै लै मुख चूमि चूमि उर लाये ॥१०॥ महरि गोप सबही मिलि बैठे पनवारे परसाये । भोजन करत अधिक रुचि उपजावै जो जिहिं जिहिं मन भाये ॥११॥ यह विधि सुख बिलसत ब्रजबासी धनि गोकुल नरनारी । नंदकुँवरकी या छवि ऊपर सूरदास बलिहारी ॥१२॥","translate_text":"आज कान्ह करि | Aaj Kanh Kari\n\n(राग सारंग | Raga Sarang)\n\nआज कान्ह करि है अन्न प्रासन ।\nमनि कंचनके थार भराये भाँति भाँतिके वासन ॥१॥\nToday Kanh’s annaprashan is being performed. Jeweled golden platters have been filled, with vessels of many different kinds. ॥१॥\n\nनंदघरनी ब्रज बधू बुलाई जे सब अपनी पाँतिन।\nकोऊ जौनार कोऊ करै घृत पके खटरस के बहु भाँतिन ॥२॥\nNanda’s wife has invited the women of Vraj, each according to her own group. Some prepare the feast, while others make many kinds of dishes of the six tastes, cooked in ghee. ॥२॥\n\nबोहोत प्रकार किये बहु बिंजन अनेक बरन मिष्टान ।\nअति उज्ज्वल कोमल अति सुंदर अति अद्भुत पकवान ॥३॥\nMany kinds of dishes and sweets of various colours have been prepared—exceedingly bright, delicate, beautiful, and wonderful delicacies. ॥३॥\n\nजसुमति नंदहि बोलि कह्यौ तब महर बुलावौ जाति।\nआपु गये सब गोपनके घर लै आये सब जाति ॥४॥\nJasumati called Nanda and said, “Now invite the people of our community.” He himself went to the homes of all the Gopas and brought everyone with him. ॥४॥\n\nआदर करि बैठाय सबनकों भीतर गये नंदराय ।\nजसुमति उबटि न्हवाय कान्हकों पट भूषन पहराय ॥५॥\nAfter respectfully seating everyone, Nandarai went inside. Jasumati bathed Kanh after applying ubtan and dressed Him in fine garments and ornaments. ॥५॥\n\nबारबार मुख निरखि यशोदा पुनि पुनि लेत बलाई ।\nतनकसी झगुली माला मोतिन कर चूरा दुहुँ पाई ॥६॥\nAgain and again Yashoda gazes upon His face, and again and again wards away all harm from Him. He wears a tiny jhaguli, a pearl necklace, bracelets on His hands, and ornaments on both feet. ॥६॥\n\nऔर जात सुत मुख जुठरायौ नंद बैठाये गोद ।\nमहरि बुलाई बैठारी मंडली आनंद करत विनोद ॥७॥\nWhen the proper moment came to give the child His first taste of food, Nanda seated Him in his lap. The lady of the house called everyone to sit in a circle, rejoicing together in joyful festivity. ॥७॥\n\nकनिक थार भरि खीर धरी लै तापर मधु घृत नाई ।\nनंद लै लै हरि मुख जुठरावत नारि उठीं सब गाई ॥८॥\nA small platter was filled with kheer, with honey and ghee poured over it. Nanda takes a little at a time and gives Hari His first taste, while all the women rise and sing. ॥८॥\n\nखटरस के परकार जहाँ लगि लै लै अधर छुवावत ।\nविश्वभर जगदीश जगत गुरु परसन मुख करवावत ॥९॥\nOne by one, they touch to His lips all the varieties of the six tastes. They lovingly feed the One who sustains the universe—the Lord of the world and Guru of the world. ॥९॥\n\nतनक तनक जल अधर पौछिकें जसुमतिपे पहाँचाये ।\nहरखित युवति सब लै लै मुख चूमि चूमि उर लाये ॥१०॥\nGiving Him a little water and wiping His lips, they return Him to Jasumati. The delighted young women take Him one by one, kiss His face again and again, and clasp Him to their hearts. ॥१०॥\n\nमहरि गोप सबही मिलि बैठे पनवारे परसाये ।\nभोजन करत अधिक रुचि उपजावै जो जिहिं जिहिं मन भाये ॥११॥\nThe elders and Gopas all sit together, while the servers serve them. As they eat, each takes with increasing delight whatever pleases his heart. ॥११॥\n\nयह विधि सुख बिलसत ब्रजबासी धनि गोकुल नरनारी ।\nनंदकुँवरकी या छवि ऊपर सूरदास बलिहारी ॥१२॥\nIn this way the residents of Vraj revel in joy; blessed are the men and women of Gokul. Surdas offers himself in devotion to this beautiful sight of Nanda’s young son. ॥१२॥","transliterate_text":"aaj kaanh kari hai ann praasan |\nmani kanchanake thaar bharaaye bhaanti bhaantike vaasan ||1||\n\nnandagharanee Braj badhoo bulaaee je sab apnee paantin |\nkooo jaunaar kooo karai ghrit pake khataras ke bahu bhaantin ||2||\n\nbohot prakaar kiye bahu binjan anek baran mishtaan |\nati ujjval komal ati sundar ati adbhut pakavaan ||3||\n\njasumati nandahi boli kahyau tab mahar bulaavau jaati |\naapu gaye sab gopanake ghar lai aaye sab jaati ||4||\n\naadar kari baithaay sabanakon bheetar gaye Nandraay |\njasumati ubati nhavaay kaanhakon pat bhooshan paharaay ||5||\n\nbaarabaar mukh nirakhi Yashodaa puni puni let balaaee |\ntanakasee jhagulee maalaa motin kar chooraa duhun paaee ||6||\n\naur jaat sut mukh jutharaayau Nand baithaaye god |\nmahari bulaaee baithaaree mandalee aanand karat vinod ||7||\n\nkanik thaar bhari kheer dharee lai taapar madhu ghrit naaee |\nNand lai lai hari mukh jutharaavat naari utheen sab gaaee ||8||\n\nkhataras ke parakaar jahaan lagi lai lai adhar chhuvaavat |\nvishvabhar jagadeesh jagat guru parasan mukh karavaavat ||9||\n\ntanak tanak jal adhar pauchhiken jasumatipe pahaanchaaye |\nharakhit yuvati sab lai lai mukh choomi choomi ur laaye ||10||\n\nmahari gop sabahee mili baithe panavaare parasaaye |\nbhojan karat adhik ruchi upajaavai jo jihin jihin man bhaaye ||11||\n\nyah vidhi sukh bilasat brajabaasee dhani Gokul naranaaree |\nnandakunvarakee yaa chhavi oopar Soordaas balihaaree ||12||","image":"images/463.png","verified":1,"created_date":"2026-08-09T12:47:14","updated_date":"2026-08-18T00:06:36.852Z","super_type":"All","translate_text_hindi":null,"translate_text_gujarati":null}