{"id":473,"title":"गोविंद बारबार मुख | Govind Barabar Mukh","type":"019 Shri Krishna Ukhal | श्री कृष्णा ऊखल","raag":"Bilaval | बिलावल","original_text":"गोविंद बारबार मुख जोवै । कमलनैंन हरि हिलकिन रोवत बंधन छोड़ि यह सोवै ॥१॥ जो तेरौ सुत खरौई अचगरौ अपनी कूखि कौ जायौ । कहा भयौ जो घरकौ लरिका चोरी माखन खायौ ॥२॥ नई मटुकिया दह्यौ जमायौ देव न पूजन पायौ । तिहिं घर देव पितर काहेके जिहि घर कान्हर आयौ ॥३॥ जाकौ नाम कुठार धारहै यमकी फाँसी काटै । सो हरि बाँधे प्रेम जेबरी जननी साँट लै डाटै ॥४॥ परमानंददासकौ ठाकुर करत भक्त मन भाये। देखि दुखि ये सुत कुबेरके लालजू आप बँधाये ॥५॥","translate_text":"गोविंद बारबार मुख | Govind Barabar Mukh\n\n(राग बिलावल | Raga Bilaval)\n\nगोविंद बारबार मुख जोवै ।\nकमलनैंन हरि हिलकिन रोवत बंधन छोड़ि यह सोवै ॥१॥\nGovind looks again and again at your face. Lotus-eyed Hari sobs as He weeps; release Him from His bonds and let Him sleep. ॥१॥\n\nजो तेरौ सुत खरौई अचगरौ अपनी कूखि कौ जायौ ।\nकहा भयौ जो घरकौ लरिका चोरी माखन खायौ ॥२॥\nAfter all, He is your own mischievous little son, born from your own womb. What does it matter if the child of the house has stolen and eaten some butter? ॥२॥\n\nनई मटुकिया दह्यौ जमायौ देव न पूजन पायौ ।\nतिहिं घर देव पितर काहेके जिहि घर कान्हर आयौ ॥३॥\nYou set curd in a new little pot, but the deity did not receive its offering. What need is there for other gods or ancestors in the house where Kanhar Himself has come? ॥३॥\n\nजाकौ नाम कुठार धारहै यमकी फाँसी काटै ।\nसो हरि बाँधे प्रेम जेबरी जननी साँट लै डाटै ॥४॥\nHis very Name is a sharp axe that cuts through Yama’s noose. That Hari is bound with the rope of love, while His mother scolds Him with a switch in her hand. ॥४॥\n\nपरमानंददासकौ ठाकुर करत भक्त मन भाये।\nदेखि दुखि ये सुत कुबेरके लालजू आप बँधाये ॥५॥\nThe Thakur of Paramananddas does whatever pleases the hearts of His devotees. Seeing these sons of Kubera in distress, Lalaju allowed Himself to be bound. ॥५॥","transliterate_text":"Govind baarabaar mukh jovai |\nkamalanainn hari hilakin rovat bandhan chhori yah sovai ||1||\n\njo terau sut kharauee achagarau apnee kookhi kau jaayau |\nkahaa bhayau jo gharakau larikaa choree maakhan khaayau ||2||\n\nnaee matukiyaa dahyau jamaayau dev na poojan paayau |\ntihin ghar dev pitar kaaheke jihi ghar kaanhar aayau ||3||\n\njaakau naam kuthaar dhaarahai yamakee phaansee kaatai |\nso hari baandhe prem jebaree jananee saant lai daatai ||4||\n\nparamaanandadaasakau thaakur karat bhakt man bhaaye |\ndekhi dukhi ye sut kuberake laalajoo aap bandhaaye ||5||","image":"images/473.png","verified":1,"created_date":"2026-08-09T12:47:14","updated_date":"2026-08-18T13:50:50.748Z","super_type":"All","translate_text_hindi":null,"translate_text_gujarati":null}